قالت الفنانة مي عمر، خلال استضافتها ببرنامج “أسرار” مع الإعلامية أميرة بدر المذاع على قناة النهار: “بحب نيللي كريم أوي وكاملة أبوذكري خطيرة واعمالها مميزة وتدخل القلب جدًا ومحمد لو اتحط في مقارنة مع اي مخرج اكيد هختاره.
وأضافت، حاجتين مبمسكش نفسي قدامهم التين الشوكي والقصب، وممكن بطني توجعني من كتر اكلهم، ودوري في نعمة تخنت عشانه لانها ست طبيعية وبتشتغل وبتحب الاكل وتخنتحوالي ٧ كيلو، وكنت مبسوطة بده.
وأوضحت المسلسل اتصور في أماكن حقيقية مش ديكور حتى المقابر، وأنا عندي فوبيا من الأماكن الضيقة والضلمة، فا قالوا هنعمل تيست وهتنزلي، فا أول ما نزلت خوفت جدًا وخبطت جامد ومحمد عرض عليا ينزل معايا بس أنا خفت جدًا ساعتها“.
وعلقت مي عمر على حبها لشراء ملابس غالية قائلة: “بحب اجيب ملابس براند كتير ومحمد بيحب يشتريلي وأنا اللي بمنعه وبقوله: “بلاش أفورة”، المفروض الراجل الطبيعي يكون جنب مراته طول الوقت، ورغم ده مبحبش انه يجيبلي حاجات كبيرة وغالية.
وتابعت: ومن وانا صغيرة بحب اني اجيب الحاجات الغالية لنفسي، ومش حاطة الحسد في دماغي رغم اني عارفه انه موجود في القران لكن مبحبش ارمي كل حاجة على الحسد واحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني“.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً،تستضيف من خلاله عدد من نجوم الفن والرياضة والسياسة في مصر.