حلت الفنانة مي عمر، ضيفة ببرنامج «أسرار»، مع الإعلامية أميرة بدر، على قناة النهار، وتحدتث عن شخصية نعمة، واللي جسدتها في مسلسلها نعمة الأفوكاتو الذي عرض ضمن المارثون الرمضاني لعام.
وقالت: «نعمة من أكتر الشخصيات اللي حبتها، لأنها مختلفة في كل حاجة، في طريقة كلامها وهزارها وجرأتها وردودها على الناس وتفكيرها، وأنا حبتها واتعلقت بيها جدًا، وبحب شكلها جدًا ولبسها وهي شبه ناس كتير أعرفهم».
مضافة: «ورضوى الشربيني هتقتل نعمة، وفيه ستات كتيرة بتضحي علشان جوزها، وما أقدرش أقول الست غلط، لأنه مش غلط على الست، لكن الغلط على رد فعل الراجل أنه استغل الموضوع غلط، وفيه ناس كويسة وفيه رجالة كويسة ولو الراجل كويس يستاهل تعمل كده عشانه ليه لأ، مش غلط هو استخدم الموضوع بطريقة غلط، وفيه نماذج كتير موجودة مش بس في مصر، والست بتسافر وتشتغل وتبعت لجوزها فلوس وهو ياخد الفلوس ويتجوز عليها».
مي عمر: كانت فاتحة خير عليا وأكتر دور الناس عرفتني منه
وعن مسلسل الأسطورة، علقت مي عمر: «لما شاركت في الأسطورة، كانت فاتحة خير عليا وأكتر دور الناس عرفتني منه، وفضلت فترة كبيرة الناس بتقول لي يا شهد، وعملت أعمال كتير ناجحة بعده، لكن نجاح الأسطورة نجاح مبالغ فيه، وكنت بضايق أن ليه الناس بتندهني بشهد مع أني عملت أعمال بعده ناجحة، وكنت مرة بقول ليه يا محمد الناس بتقولي يا شهد، وقتها محمد سامي قال لي طبيعي، قلت له نفسي الناس تنهده لي باسم شخصية تانية».