طرح مطربا المهرجانات “عمر الكروان وسيف مجدي” اليوم الثلاثاء أحدث أعمالهم الغنائية، وذلك على طريقة الفيديو كليب، والتي تحمل اسم “موديل باريس”، عبر قناة المنتج الصاعد سلطان الشن، بموقع الفيديوهات الشهير “يوتيوب“.
يذكر أن كليب “موديل باريس” من إنتاج سلطان الشن وإخراج أشرف رمضان، ومدير التصوير بولا كمال، وكواليس بيشوي رفله.
وتقول كلمات الأغنية:
بصي هنا أنتِ أنا
أنتِ سحاب فوق نجم الليل
ايه ده في كده حضن الشتاء
لؤلؤ في عود ملفوف وخطير
جرحي إختفى ما أنتِ الدفى
لايقه في كل الاستيلات
كده بي الشفا نوركوا اطفى
جتلي الطبيعي يا افيكتات
لما البطل يلعب
كلها تاخد جنب
لا هتاكل ولا تشرب
الي هتقف قصدها
فستناك الاحمر
خلى القلب ادمر
يا صاروخ ومتعمر
اشيك بنت في بلدها
اهدوا بقي دي المطرقه
هاتيجوا انتم جنبها فين
ولا قبلها ولا بعدها
ولا غيرها حد بيملى العين
الوسط ريس ياموديل باريس
يابطه وفي نفسك هيئه
يا مسكنة للأدمنة
مش عايز اشوفك مضايقه
يا فورمه مرسومه
حلوة ومهضومة
غيرانة محرومة
اللي تنفسن عليكي
بصيلي يا قطه
منك هاكل حته
حطيتك في البوستر
وعملت منشن ليكي
عندك ثبات خاطفه الشاشات
علي وضعك انتي وفي مكانك
دا الملكيات رافعين حالات
بيحكوا فيه عن جمالك
عينك دي موج مش عايز افوق
اصدار واحد ومجاش منها
وياكي اروق عشان انتي فوق
انسوا ان حد يجي مكنها
دي شقيه مقطقطه
شيك اوي متظبه
خلتني في لغبطه
دي ملت كل الفرغات
يا نجمة السهره
عايزك علي فكره
ما انا مش هاجي بكرا
انا فرصه بمليارات
الشن شاغلكوا
أسمه بيحولكوا
علشان فارق عنكوا
سلطان ومسلطن نفسه
داخل علي طول كاسح
ايوا فيكم ماسح
الكل يتاخر
صعب ان حد ينافسه
من جانبه كان قد طرح أيضًا المطربان الشعبيان “عمر الكروان وسيف مجدي” مؤخرًا كليب “يا سبايسي”، والذي نال إعجاب الكثير قبل طرحه، وحجز مقعده في ساحة التريند.
جديرًا بالذكر يؤدي كليب “يا سبايسي” كلًا من المطربان الشعبيان “عمر الكروان وسيف مجدي” ومن إنتاج سلطان الشن وإخراج أشرف رمضان، ومدير التصوير بولا كمال، وكواليس بيشوي رفله.