نصف موقع تبادل الفيديوهات الشهير “يوتيوب”، الملحن محمد شفيق، بعدما حذف أغنية “كدابة” للمطرب حسام حبيب، الذى طرحها منذ أيام.
وسبق ووجه محمد شفيق، اتهام لـ حسام حبيب، بسرقة ألحان أغنيته التى تحمل عنوان “بياعة” للمطرب الشاب محمود عز.
أغنية “بياعه”، كلمات شفيق كارم، ألحان وتوزيع موسيقي محمد شفيق، غناء محمود عز.
وفى نفس السياق، رد إسلام رفعت، ملحن أغنية “كدابة”، عبر حسابه الشخصي على موقع التواصل الإجتماعي “فيسبوك”، قائلًا :”أنا مكنتش هرد بس مضطر أرد لأن اللي بيحصل دة قلة أدب وتطاول، ولسه جايلي تليفون دلوقتي من صديق ليا بيقول إن في حد كاتب بوست إني واخد لحن أغنية حسام حبيب، من أغنية لمغني أنا أعرفه معرفة شخصية واشتغلت معاه بالفعل وعلاقتي بيه إنه مغني ولانه ملحن وموزع، يعني واضح مين اللي بيسمع من التاني”.
وتابع إسلام رفعت، قائلًا :“أولا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات وانا مسروق بالمللي و بالهارموني حتي هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرتة ويمكن تصيب معاه.. بس أنا هخليها تصيب معاه إنه يتشهر بأنه غير أمين ومعندوش ضمير نهائي”.
وأستكمل إسلام رفعت، قائلًا :”كل الناس عارفيني كويس وعارفين شخصيتي إني عمري ما أعمل حاجه “بالخسة دي” أو بالسذاجة دي!! إني آخد حاجة إبداعية في أكتر حاجة بحبها و هي الموسيقى من حد أو أقتبس جملة من هنا أو من هنا، والحمد لله أعمالي كلها بتتكلم عني”.
وأضاف إسلام رفعت، قائلًأ :“الأغنية دي الشاعر عمرو المصري بعتلي كلامها من شهر مايو 2023 اللي فات تقريبا، وأنا لحنت الكلام وعملت شكل ليها وبعتناها لأكتر من مطرب من ضمنهم حسام، وبالفعل كانت من نصيبه والأغنية جاهزة من فترة كبيرة جدا ولكن حسام اللي كان بيأخر”.
وأردف إسلام رفعت، قائلًا :“زمرفق في البوست فيديو أنا مصوره بإيدي من الكمبيوتر بتاعي متوثق فيه تاريخ الأغنية وصوتي في الديمو.. الموزع شفيق كاتب إن أغنيتهم نازلة يوم 18/1 و حسام حبيب منزل خبر أغنية #كدابة من يوم 8/1 تقريبا فاللي هو ازاي يعني!!! وأي حد يقدر يعمل سيرش على جوجل ويتأكد من صحة كلامي”.
وأختتم إسلام رفعت، قائلًا :“آخر حاجة عايز أقولها إني معايا كل ما يثبت إن اللحن بتاعي من مستندات، وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء وحاول ينط وعايز يتشهر”.
وتصدر حسام حبيب، قائمة الأكثر مشاهدة على “يوتيوب”، بأغنية “كدابة”، بعدما حقق أكثر من 241 ألف مشاهدة، فى الساعات الأولى من طرحه للأغنية.
أغنية “كدابة”، كلمات عمرو المصري، ألحان إسلام رفعت، توزيع موسيقي أمين نبيل، غناء حسام حبيب.
كلمات أغنية كدابة
كلمات أغنية ” كدابة”، “كدابة مليانة عيوب طبعك قلابة بتعيشي في دور إنك متسابة أستاذة في التمثيل واخدة شهادة وتوكيل.. بتخبي وشوشك وبتتداري في وش غلابة.. نساية ناكرة الأيام الحلوة معايا مش بنت أصول ولا فيكي مزايا.. شخصياتك أنواع هايلة في فن الأوجاع وخلصت أنا منك آه خرجتك من جوايا”.