استطاع الطفل منذر مهران، أن يحقق نجاحًا كبيرًا في مسلسل جزيرة غمام، الذي يعرض خلال الماراثون الرمضاني الحالي 2022، ويؤدي بطولته كلًا من الفنان طارق لطفي والفنانة مي عز الدين.
وأجرى موقع “أوان مصر”، حوار مع الطفل الصاعد منذر مهران، ليكشف كواليس مشاركته في مسلسل جزيرة غمام، وكيف واجه اللهجة الصعيدية.
ودار الحوار كالتالي:-
-كلمنا عن كواليس شخصيتك في مسلسل جزيرة غمام؟.. ومين رشحك للعمل؟
اللي رشحني للعمل مكتب كاست بتاع أحمد موسى، كلمني أحمد موسى وقالي إن هو مرشح لمسلسل جزيرة غمام ولقيت بتوع الانتاج بيكلموني وقالولي عايزين منذر عشان أستاذ حسين المنباوي اختاره، وعايزه في المسلسل بتاع جزيرة غمام.
-هل واجهت صعوبات في الحديث باللهجة الصعيدية؟
لم يواجهني صعوبات في الحديث باللهجة الصعيدية، والصعيدي بالنسبة ليه كان سهل، ولو علمته اي لغة سهلة ايضًا بالنسبالة هو بسم الله ما شاء الله ذكي في الحاجات دي.
-مين أكتر فنان ساعدك خلال الكواليس وحابب توجهله رسالة اي؟
كل اللي في المسلسل كانوا حابين منذر أوي، ووقفوا جنبه وأكتر واحد كان متعلق بيه وكان بيهزر معاه كان أحمد أمين عرفات، ومنذر بيحبه جدًا جدًا.
-اي أصعب المشاهد اللي واجها منذر خلال التصوير؟
مفيش ولا مشهد صعب قابل منذر خلال التصوير.
-هل سنشاهد منذر مهران في أعمال أخرى بعد انتهاء جزيرة غمام؟
لسا مش عارفين كله لحد دلوقتي كلام، لكن مفيش حاجه رسمي لحد دلوقتي.
-طبعا الفنان محمد رمضان كان سر اكتشافك.. هل اتصل بيك وباركللك على اداءك الرائع في جزيرة غمام؟
لسا محمد رمضان مباركش ليه لحد الآن كل الناس باركتله إلا محمد رمضان مباركش ليه.