طالب الدقهلية المغدور به فلذة كبد أبيه، ففلذات الأكباد، تترك أثرا بالغا في صدور الآباء والأمهات، ذلك الأثر لا يدركه الجاحدون، والذين عمت قلوبهم بالرغم من أبصارهم التي لا تخطيء مايرون.
تداولت الأيام الماضية؛ حادثة من أخطر الحوادث التي حدثث خلال السنوات الأخيرة في مجتمعنا، والتي كان لها أثر بالغ لدى الجميع، سواء للآباء والأمهات، أو للطلبة وللمجتمع بشكل عام، تلك الحادثة هي حادثة مقتل الطالب إيهاب أشرف التي تركت أثرا غائر سيظل في صدر أبيه وكبد أمه حيث يقول والد الطالب إيهاب: أن والدته كانت تشعر بقلق شديد لتغيب نجلها، ولكنه كان يحاول طمئنتها وأخبرها أنه سيعود، لكن إزداد قلقها أوي عليه، وبترن عليه بيكنسل ومبيردش، وكنت بحاول أطمنها لحد ما اتأخر جامد، وقلقت نزلت أدور عليه وسألنا عنه أصحابه.
خط سير إيهاب طالب الدقهلية قبل الحادث مباشرة
التقطت كاميرا مثبتة على الطريق العام، خط سير إيهاب أشرف طالب الدقهلية المقتول على يد محمد.ب، مدرس الفيزياء، المتهم والذي قطع جثمانه إلى 3 أجزاء، وكيفية توجهه إلى مسرح الجريمة، ومثواه الأخير داخل منزل.
أظهرت الكاميرا بالساعة 6:26 مساءً؛ رجلا يرتدي ملابس “افرنجية”، وهو إيهاب أشرف طالب الدقهلية، ويسير بطريقة منتظمة بالطريق العام ولا تظهر عليه ثمة مظاهر شك أو ريبة، وكان ذلك حتي الساعة 06:30:10 مساءً وتبين ظهور شاب يرتدي ملابس “افرنجية” بنطال، وسویت شرت، وحذاء ابيض اللون، وممسك بيده أوراق، حتي الساعة06:35:10 مساءً، وبالساعة 06:43:51 مساءً ظهر شابا يرتدي ملابس “افرنجية” بنطال وسويت شرت وحذاء اسود اللون ويرتدي حقيبة ظهر، ممسكا بیده هاتف محمول، ويظهر بيده الآخرى ارتدائه لساعة رقمية مضيئة، وهو قريب في البنيان للمجني عليه المتوفي إلى رحمة مولاه تعالي، ويسير بصورة طبيعية، ولا يظهر عليه ثمة علامات للفزع أو الرهبة، وكان ذلك حتي الساعة 6:44:17 مساءً، واستمرت حركة السير طبيعية من حيث المركبات والدرجات النارية والبخارية، حتي انتهي المقطع بالساعة 06:59:59 مساءً.
مقدمات أسباب جريمة القتل :
يقول محمد ع. مدرس الفيزياء : أنا طالب في آخر سنة في كلية تربية قسم الفيزياء جامعة المنصورة، وبشتغل مدرس خصوصي بعطي دروس فيزياء وكيمياء لثانوي عام وعلوم الابتدائي وإعدادي، عشان أحصل منها على دخل كويس، علشان أنا متجوز ومخلف ولد عنده سبع شهور، وعشان أنا أبويا متوفي وعائلتي متوسطة الدخل، اشتغلت في كذا سنتر في الدروس الخصوصية في منطقة المركزية ومنطقة النقعة ومنطقة 37 البنزينة، وكلهم تبع منطقة الحفير مركز الستاموني، ومتوسط الدخل الشهري بتاعي كان في بداية الترم الأول 8000 جنيه، ووصل دخلي في بداية الترم الثاني إلى 20 ألف جنيه تقريبًا.
واستطرد : وفي بداية سنة 2023 السنة اللي فاتت، عرفت من ناس أن فيه لعبة اسمها one XBET بتاعة المراهنات؛ نزلتها من على جوجل كروم، واللعبة دي عبارة عن مراهنات على ماتش كورة أو أي رياضة من الرياضات اللي بتتذاع أو عدد الأهداف اللي بتتسجل، وفيها ألعاب ثانية زي الكوتشينة والدومينو على نفس التطبيق ده، وبربط الحساب بتاعي على التطبيق بالحساب بتاعي على فودافون كاش، وببدأ أراهن بجزء من المبالغ اللي على حسابي، ولما بكسب بينزلي المكسب على حسابي في فودافون كاش، وفي البداية كنت بكسب وبعد كدة بدأ المكسب ده يتحول لخسارة.
واكمل : بدأت أراهن بمبالغ أكبر علشان أعوض الخسارة، وبدأت أجيب من المبالغ اللي محوشها في البيت، واتحججت لمراتي إني رايح اشغل فلوسي مع واحد صاحبي في الموبايلات، لحد ما خسرت فلوس كتير، ومكنش معايا بعدها فلوس أراهن بيها، لحد ما عرفت أن عمي كان بايع أرض، ورحتله البيت علشان أعرض عليه إني اشغله فلوسه في تجارة الموبايلات مع واحد صاحبي، وأقنعه أنها بتحقق أرباح أعلى من النسبة اللي البنك ممكن يوفرها.
وتابع : كنت بقوله أن النسبة بتوصل في بعض الأوقات لـ 55%، وبدأت أسحب منه مبالغ على فترات متقطعة، وأخدت من عمي تقريبا 140 ألف جنيه على فترات، ومن ابن خالي حسان حوالي 15 ألف جنيه، وأخدت من مرات عمي رايق اسمها فاطمة 26 ألف جنيه تقريبًا، وأخدت من ابنها باسم 22 ألف جنيه، واخدت من مرات عمي وأسمها نادية 64 ألف جنيه، واللي كنت مفكر أن أنا لما أراهن هقدر أجيب نسبة الأرباح دي لأني كنت في بداية اللعبة، وكان الاتفاق إن بداية تسليمهم الأرباح على شهر 8 سنة 2024، وأن نسبة أرباح كبيرة بس تاني يوم كنت بخسرهم، لما لقيت نفسي مش هقدر أجيب أرباح المبالغ اللي أخدتها من قرايبي، إضافة إلى ابن خالي كان ميعاد استلامه الفلوس في شهر يناير 2024، وكان المفروض هيستلم 27 ألف جنيه، وأمي وأخواتي كانوا بيرفضوا يدوني فلوس علشان عارفين إني ممكن أخد الفلوس واضيعها، بس أنا كنت عاوزها علشان أسدد ديوني مش علشان أراهن بيهم.
وواصل: فكرت فملقتش حل غير إني أخطف حد واقتله، واطلب فدية فلوس كتير تغطي ديوني، والفكرة دي ركزت في دماغي من حوالي أسبوعين، قبل الواقعة؛ ولما فكرت أني أخطف حد، وأطلب فدية بس من غير ما أقتله، كنت هحتاج معايا حد تاني يكون غريب عن المنطقة يساعدني، وفي نفس الوقت مكنش حد قدامي بعينه ممكن أسرقه، ففكرت أني أخطف حد من اللي بياخدوا عندي درس، واقتله عشان أخفيه وأطلب من أهله فدية، فجه في دماغي واحد بياخد درس عندي اسمه إيهاب أشرف، وده كان بياخد عندي حصص – فيزياء في قرية النقعة السبت والثلاثاء الساعة 5 مساءً، ويوم الأحد والأربعاء بياخد معايا درس كيمياء في قرية المركزية الساعة 2 مساءً، ويوم الاثنين والخميس وأنا راجع من قرية المركزية بيركب – معايا على الموتوسيكل علشان بيته قبلي في نفس الطريق وأنا مروح، فيعتبر بشوفه طول الأسبوع، وأنا عارف أن أهله معاهم فلوس، وأعرف أن أبوه عنده محل أدوات منزلية، ومصنع سيليكون في دمياط، وهو ولد وحيد على بنات، فأكيد لما أطلب فدية هيدفعوا، فقررت في الأول إني أنفذ وأقتله يوم السبت 10/2/2024، وفعلا اشتريت السكينة يوم الثلاثاء اللي قبله من معرض أدوات منزلية في قرية النقعة، بس لما إيهاب جالي يوم السبت، وخلصنا الحصة واللي معاه مشيو وبنقعد نلعب بلايستيشن شوية على اللاب بتاعي، وبعدين طلعت السكينة، وقعدت أهزر لأن بيني وبينه هزار بس خفت ورجعت وهو مشي.
وأردف : قبل يوم الثلاثاء؛ اللي أنا نفذت فيه الجريمة، لقيت ابن خالي بيطالبني بالمبلغ اللي أنا كنت واخده منه، فقولت بيني وبين نفسي ملهاش حل غير إن أنا أقتل إيهاب، وبعدها يوم الثلاثاء إيهاب كان عنده درس عندي الساعة 5 مساءً، وكان في المجموعة دي بنتين معاه واحدة اسمها ندى محمد وواحدة اسمها نهى محمد، والمجموعة دي مجموعة خاصة لمادة الفيزياء، وبعد ما خلصوا البنتين مشيوا الساعة 6.20 مساءً، وإيهاب فضل معايا عشان أشرحله درس كيمياء أخد مننا حوالي 20 دقيقة وقعدنا نلعب بلايستيشن في الوقت ده أمه كلمته مرة بين الدرسين، والمرة الثانية بعد ما خلصنا درس الكيمياء، وهو قالها أنا خلصت الدرس وجاي.
كيفية تنفيذ الجريمة
قال المدرس القاتل : أن فكرة التخلص من إيهاب جاءت قبل يوم الواقعة بحوالي أسبوع، ومكنتش لسه محدد إن أنا هقتل إيهاب وأطلب فدية من أهله، بس قبل يوم الواقعة بحوالي 4 أيام فكرت إن أنا اقتل إيهاب وأطلب فدية من أهله، وحاولت إن أنا أنفذ الكلام ده يوم السبت 10 فبراير 2024، وقعدت أهزر معاه بالسكينة اللي أنا كنت شاريها، وهو بياخد عندي درس بس خوفت بيني وبين نفسي أنفذ واقتله، وبعد لما ابن خالي حسان عبد الحميد حسان قابلني يوم الاثنين، وسألني عن الفلوس والأرباح اللي كان معاده ياخدها في شهر يناير 2024، فأنا قولت إن أنا لازم بكرة أنفذ مع إيهاب عشان الحق أطلب فدية، ويلحقوا يبعتوها لي عشان اديله الفلوس بتاعته، والحق أسدد الديون اللي عليا.
وقال المتهم: استعنت بسكينة اشتريتها من معرض أدوات منزلية ، واستخدمت شكارتين واحدة بيضاء وواحدة زرقاء والخيش، واستخدمت كرتونة كبيرة وأكياس بلاستيك من بتاعة الزبالة ومناديل التنظيف، والحبل كان في الشوال، وكان كل شيكارة فيها دوبارة حبل، والكرتونة كانت بتاعة مروحة قديمة موجودة في الدرس.
وشرح المتهم : كنا بنلعب بلايستيشن، وأنا كنت بطول في اللعب عشان بفكر هخلص ازاي منه، وبعدين لما قام يمشي قولتله استني أنا عرفت خدعة مونتاج، فقالي يعني ايه؛ قولتله زي اللي بتحصل في السينما، أن حد ممكن يدبح ويظهر دم وهو ما اتدبحش ولا حاجة، وانا كنت عارف دماغه، وعارف إن هو هيوافقني في ده، فقالي هتعملها ازاي، قولتله أنا همشي السكينة بضهرها على رقابتك قدام الفيديو اللي أنا فتحته من موبايلي، وبعدها أنا هحط الفيديو ده على الكمبيوتر وأعمله مونتاج، وفعلا هو وافق وأنا قمت ماسك بقه وقمت ضاربه ببوز السكينة في جنب رقابته من الناحية الشمال من قدام، فهو جسمه اتهز واترعش وبعد كدة إيديه راحت سايبة، وأنا ماسكه وبعدها لقيته بدأ يثبت ويقاوم أكثر، فضربته ببوز السكينة في بطنه من الناحية الشمال جنب السرة، فهو إيده اليمين اتعورت وانا بخبطه بالسكينة وبعدها وقع على الأرض، بس كان لسة فيه الروح لأن هو قدر يزوق إيدي من على بقه، وانتهيت من ارتكاب الجريمة حوالي الساعة 9 مساءً، واستغرقت في تقطيع إيهاب من 20: 30 دقيقة
التخلص من الجثة وأدوات الجريمة :
قال المدرس المتهم بإنهاء حياة إيهاب أشرف: فصلت النص اللي فوق عن النص اللي تحت، وربطت رجليه في الحزام اللي كان لابسه، وبحبل لقيته صدفة جوة الشيكارة الزرقا، علشان رجليه كان لازم تتربط عشان جسمه يجي في الشكارة، ولفيته بخيش وحطيته في الشكارة البيضا، وبعدين حطيته في الشكارة الزرقا، وربطتها بحبل كان موجود في الشكارة، وبعدين لما جيت أحط نصفه الفوقاني في الكرتونة بتاعة المروحة بعد ما حطيتها في كيس بلاستيك من بتوع الزبالة، وجيت أحطها في الكرتونة لقيت الراس هتبقى ظاهرة من الكرتونة، فقررت ساعتها أن أنا أفصل الرأس، وفعلًا فصلتها بنفس السكينة اللي أنا قتلته بيها، وحطيت الجزء العلوي من الجسم في الكرتونة، وساعتها قفلت ومكنتش ظاهرة، وحطيت الرأس في كيس أسود جوة الكرتونة اللي فيها الجزء الفوقاني، وخلال الفترة دي كان أهله بيرنوا على تليفونه، وأنا كنت بكنسل عليهم.
واستطرد : أنا خرجت من البيت، وأخدت الكرتونة اللي فيها الجزء العلوي من الجثمان والراس، وحطيتهم قدامي على الموتوسيكل، ومشيت في طريق رئيسي اسمه النقعة بصار، لحد ما وصلت لكوبري ما بينهم، اللي هو كوبري الخلايفة، وبعد كدة حودت شمال لحد ما وصلت للكوبري اللي بعده، وده اللي حطيت فيه الجزء العلوي على أحد جانبي المجرى المائي فوق الماسورة، ورميت الراس في نصف الترعة.
وأكمل المتهم : بعد كدا رجعت تاني من نفس الطريق لحد أوضة الدرس، وبعدين جبت الشيكارة اللي فيها الجزء السفلي، وحطيتها على الموتوسيكل ورحت في طريق لما وصلت لكوبري النقعة، وبعدين لفيت من ورا البلد ودخلت في طريق كوبري الخُرس، وهناك بعد آخر قرية الأمل لحد ما وصلت للأسفلت عشان ما أبانش إن أنا رايح لطريق الدرس مباشرة، وبعد الكوبري بحوالي كيلو رميت الشيكارة اللي فيها الجثمان السفلي على الحافة ما بين المنصل وأرض زراعية، وبعدين رجعت ثاني من نفس الطريق، ورجعت تاني على أوضة الدرس علشان أجيب المتعلقات بتاعته، وحطيتهم على الموتوسيكل وطلعت بيه في طريق بحر النفعة آخر قرية الأمل، ورميتهم في البحر كل حاجة لوحدها، مكان ما رميت السكينة في ترعة النقعة.
بداية إنكشاف الجريمة وسقوط القاتل :
قلق لآباء والأمهات على فلذات اكبادهم دائما مايكون نابع من إحساس بما قد يحدث او حدث لأبنائهم، فبتأخر إيهاب عن موعد العودة الى المنزل قرر الأب الإبلاغ عن غياب أبنه عن المنزل بعد إنقطاع الاتصال به، وفي ذات التوقيت ورد بلاغ لمأمور مركز شرطة الستاموني، بعثور عدد من الأهالي على جثة لشخص في العقد الثاني من عمره، مشطور جزءه السفلي فقط داخل شيكارة، وبالفحص تبين ان الجثة لشاب مبلغ بغيابه يدعى إيهاب أشرف عبدالعزيز؛ طالب بالصف الأول الثانوي 16 عاما، وجرى العثور عليه بمصرف بين قرية النقعة وقرية 7 ثابت (بحر التبن) مقيد اليدين ومشطورة إلى نصفين.
وعند معاينة لآخر مكان تواجد به المجني عليه وهو غرفة للدروس الخصوصية، عثرت الأجهزة الأمنية على قطعة خيش من ذات أوصاف قطعة الخيش التي وجد بها النصف السفلي لجثمان المجني عليه، ملفوفا بها وغير منتظمة الحواف من أثار قطع، وبمضاهاة القطعة المدممة المعثور على الجسمان بداخلها تكاملت معها تماما، وتبين اقتصاص القطعة الأولى من القعة المعثور عليها.
سقوط المتهم وإنهياره :
بمواجهة مدرس الفيزياء المتهم؛ أقر واعترف بارتكابه الواقعة، وتقطيع جثمانه إلى ثلاثة أجزاء نصف سفلي جذع – رأس لمروره بضائقة مالية، وكونه مدينا بمبلغ مالي لايستطيع سداده، ولعلمه بأن والد المجني عليه ميسور ماديا فكر في التخلص منه، وقتله وإخفاء جثته بعد تقسيمها لأشلاء ومطالبة ذويه هاتفيا بمبلغ مالي، وأرشد الأجهزة الأمنية على منطقة الجذع وعليها فانلة داخلية خاصة بالمجني عليه بجرف أحد المجاري المائية.
التحقيق مع زوجة المتهم بقتل طالب الشوال بالدقهلية :
وجهت النيابة العامة اتهاما لزوجة المتهم، بقيامها بالتستر على المتهم، عقب ارتكابه لجريمته، وذلك وفقا لما أكدته في التحقيقات؛ أنها علمت بارتكابه للجريمة بعد اختفاء إيهاب، ووجود شبهات حوله بارتكابه للواقعة، واستدعائه بمركز شرطة الستاموني مساء الخميس بعد يومين من وقوع الحادث وإنكاره.
وقالت زوجة المتهم إن زوجها المتهم، حضر إليها يوم الواقعة وملابسه بها آثار دماء حال عودته للمنزل، وباستطلاعها الأمر، قرر لها وجود حادث سير على الطريق، وذلك الدم جراء مساعدته المصابين، ثم وضع ملابسه في الماء لتنظيفها، وغسلتها على الفور.
التحقيقات بواقعة مقتل الطالب إيهاب أشرف :
توصلت تحقيقات النيابة إلى أن المتهم محمد عبد البديع – محبوس؛ طالب بكلية تربية قسم فيزياء جامعة المنصورة في يوم 13 / 2 /2024 بدائرة مركز الستاموني محافظة الدقهلية، قتل المجني عليه الطفل إيهاب أشرف عبد العزيز عبد الوهاب – عمدًا مع سبق الإصرار.
وبيّنت التحقيقات أن مدرس الفيزياء المتهم، عقد العزم وبيّت النية على إزهاق روح الطفل إيهاب، وأعد لذلك الغرض سلاحا أبيض – سكين – وتحين وجود المجني عليه لديه لتلقي مادة علمية، وإمعانًا منه في سلب مقاومته احتال عليه بأن أوهمه بقدرته على تصوير مقطع مرئي فيما بينهما يمرر فيه المتهم نصل السكين على عنق المجني عليه دون إصابته، ويدخل عليه بعض الخدع البصرية ليظهر عقب ذلك وكأن الدماء تسيل منه، فامتثل له – مستغلًا وجود ثقة بينهما لا تجعله يحتاط إزاءه كونه معلمًا له – وما أن ظفر به حتى باغته بالتعدي عليه بسلاحه الأبيض طعنًا بعنقه وأسفل صدره، فأحدث إصاباته الموصوفة بتقرير الصفة التشريحية، والتي أودت بحياته على النحو المبين بالتحقيقات.
وعليه أمر النائب العام بإحالة القضية إلى محكمة الجنايات المختصة، بدائرة محكمة استئناف المنصورة، لمعاقبة المتهم طبقًا لنصوص مواد الاتهام.
رد فعل والد الطالب إيهاب عن مقتله :
وقال والد الضحية في منشور عبر موقع التواصل الاجتماعي فيسبوك: بطمن كل حبايبي اللي كانوا معي دائما لحظة بلحظة سواء بالاتصال أو التواجد أو عبر التواصل الاجتماعي، لكي يطمئنوا على إيهاب أشرف رحمة الله عليه فلذة كبدي الحمد لله دفن الجزء الأول من الجثمان، وإن شاء الله ربنا يظهر الحقيقة على يد الشرطة البواسل والحصول على الجزء الآخر من الجثمان والقبض على المجرم.
وتابع والد الضحية، قائلا: إن شاء الله في انتظار الطب الشرعي وأمر النيابة العامة حتى يتسنى لنا دفن الجزء الثاني بعد قرار النيابة وإن شاء الله عند علمنا بأي تصريح لدفن هنبلغ حضرتكم لا أراكم الله مكروه في عزيز لديكم.
رد فعل زملاء المجني عليه إيهاب :
وأكد أحد زملاء الطالب إيهاب، أنه تعرف على إيهاب منذ 6 أو 7 أشهر، ولم يرى منه سوء أبدا، قائلًا: أعرفه بقالي 7 شهور وعمري ما شوفت منه حاجة وحشة، كنت بشوف منه كل خير، وكنا بنذاكر مع بعض ولو حاجة واقفة قدامي كنت بروحله.
وأضاف صديق الطالب إيهاب، أن الضحية كانت تجمعه علاقة حب قوية بمعلم الفيزياء المتهم بقتله، قائلًا: إيهاب كان بيحب مدرس الفيزياء ده أوي، وكان بيجبله أكل معاه وهو نازل كان بيجبله شيبسي، وإيهاب كان زي ما بيقولوا سنه صغير وعقله كبير، والمدرس دة ربنا يسهله في اللي عمله فيه.
تأثير حادثة مقتل طالب الدقهلية على أولياء الأمور وزملاؤه :
توجه موقع أوان مصر بالسؤال للدكتور عمر سعد “أخصائي نفسي“، عن تأثير حادثة مقتل طالب الدقهلية على أولياء الأمور وزملاؤه، فأجاب : إن تعميم المشكلة على المجتمع شيئ سلبي، ونظرة أولياء المور لا تعمم على كل المدرسين، ولكن ذلك أن تلك الحادثة اوجدت حالة من الخوف والقلق، وهذا امر طبيعي.
وأضاف الدكتور عمر أنه من الطبيعي ان يكون هناك رفض حالى لموضوع السناتر والدروس، وأن تلك الحادثه أثرت على الطلبة خاصة زملاء الطالب القتيل، لان الطالب سيدور في ذهنه انه ممكن ان يحدث له مثلما حدث لزميله، وتأثير تلك الحادثه لمن عايشوها غير تأثيرها لمن سمعوا فقط عنها.
الأسباب النفسيه لما حدث :
قال الأخصائي النفسي أن الطالب أصبح بالنسبه للسواد الأعظم من مدرسي السناتر مجرد رقم يتم دفعه اول كل شهر، وأصبحت مهنة التدريس بعد انتشار السناتر مجرد بيزنس، وان العملية التعليمية لم تعد رسالة، وإنما رقم يتم تقاضيه أول كل شهر أو على رأس كل حصة.
لمتابعة موقع أوان مصر على موقع الفيسبوك من هنا