أستجوبت النيابة العامة زوجة مدرس الفيزياء؛ إيمان بعمر الـ 22 عام، خريجة معهد التمريض، زوجة مدرس الفيزياء المتهم بقتل أشرف طالب المنصورة، وتقطيع جثته إلى أجزاء، وطلب فدية من أهله 100 ألف جنيه.
وجاء في أقوال إيمان زوجة مدرس الفيزياء: “أعرف محمد ومتزوجه منه من سنة ونصف، وعندي منه طفل عمره 7 شهور، ماشوفتش منه حاجة وحشة طول الفترة دي، وفي أول الجواز الظروف مكانتش كويسة لحد من فترة الظروف بدأت تتحسن من الدروس وبدأ يزيد دخلنا من فلوس الدروس، وهو مدرس فيزياء وكيمياء وبيعمله في الشهر حوالي عشرين ألف جنيه من الدروس وتجارة الموبايلات اللي هو قايلي عليها معرفش عنها حاجة”.
ماذا حدث يوم جريمة مقتل أشرف طالب المنصورة؟
قالت زوجة مدرس الفيزياء: “لقيت محمد يوم اختفاء إيهاب جالي البيت وقالى إن أيهاب اللى بياخد عنه درس اتخطف، ومامته بتقول إن هو مارجعشي البيت، وهو كان متوتر شويه بس لقيت علي البنطلون اللي كان لابسه بقعة دم، وانا سألته ايه الدم ده قالي إن كان في حادثة علي الطريق، وان هو كان بيشيل مع الأهالي المصابين، وهدومه “اتلطخت” دم بسبب كده، وهو أول لما جه قلع البنطلون، وحط عليه مايه، وانا غسلته في ساعتها علي طول، لحد ما بقعة الدم راحت من عليه، وكان بينزل بيدور على إيهاب مع الناس، وكانت الشرطة بتبعتله كتير، وسألته هي الشرطة بتبعتلك كتير ليه؟، قالي علشان أخر مكان إيهاب كان موجود فيه عنده في الدرس، وتاني يوم اختفاء إيهاب لقيته راجع وبيعيط وبيقولي إيهاب اتقتل ولقوا الجزء السفلي لجثتة، وكان بيروح المركز كتير ولما كنت باسأله كان بيقولي إن دي إجراءات عادية علشان بيتحروا عن القاتل،
وأضافت إيمان في التحقيقات، أنا عرفت تاني يوم لما في ظابط كلم محمد جوزي وهو نزله، ولاقيته راجع البيت بيعيط، وبيقول إن إيهاب أتقتل، وانا قعدت اهديه، وهو كان عادي وكان بيدور مع أهل إيهاب من ساعة لما اختفى لحد ما عرفنا أن هو اتقتل.
صدمة زوجة مدرس الفيزياء
وتابعت زوجة مدرس الفيزياء: كان بيروح المركز كل شوية لما بيطلبوه، ومشكتش فيه، ومتوقتعش إن هو يعمل كده، ومحمد جوزي مش متعود إن هو بيشيل أي سلاح أيًا كان نوعه، بس هو علي طول بيبقي معاه شنطة بيبقي فيها اللاب توب بتاعه واقلامه والمذكرات بتاعته ودراعات البلايستيشن، وانا عرفت زي باقي الناس إن هو اعترف علي نفسه إن هو اللي عمل كده، وهو الحمد لله معندوش أي أمراض، وهو كويس ومش بياخد أي أدوية، ولا بيشرب أي حاجة، وأنا معرفش هو عمل كده ليه، وانا مكنتش متوقعة أن هو يعمل كده أصلًا.