تداولت في الساعات الماضية مجموعة اخبار وشائعات حول وفاة المستشار مرتضى منصور، وجاء ذلك بعد أصدار الحكم بانه رئيس نادي الزمالك.
مرتضى منصور يوجه رسالة نارية لاعدائه
ووجه مرتضى رسالة نارية لجميع من تداول الاخبار والشائعات الكاذبة ضده، وذلك من خلال مقطع فيديو نشره عبر صفحته الرسمية بموقع مشاركة الفيديوهات “يوتيوب”.
وقال في الفيديو: “بعد ما اخدت الحكم في كلاب كتير عمالة تهوهو اقعدوا هوهووا كده انتو تعبانين انا حاسس بيكم خاصة بعد ما اخدت الحكم ان مرتضى رئيس نادي الزمالك، في كلاب هتتجنن وده ميمنعش اننا تحقق في ذلك ونشوف مين اللي بيعمل كده”.
مرتضى منصور يخاطب أجهزة الدولة
وأشار قائلاً: “الموت ده حق علينا كلنا بس انا عايز اقول ان ليا اسر ومحبين بالملايين هما اللي قلقوا، واستاذ اسامة هيكل لسه بعتلي الرسالة دلوقتي بيقولي فيها ان صفحته تم اختراقها بالامس وتنشر اخبار كاذبة تتعلق بيا”.
وخاطب مرتضى الرئيس السيسي وأجهزة الدولة قائلاً: “بطالب من اجهزة الدولة اتحركوا بقى وانا بخاطب رئيس الجمهورية واجهزة الدولة من فضلكم القصة مش انا القصة ان في كل يوم شائعة بتطلع بتعمل زوع ، وأجهزة الدولة تقدر تجيب التايهة فانا بطمن الناس انا الحمدلله بخير”.