خاطب المستشار مرتضى منصور الرئيس عبد الفتاح السيسي وأجهزة الدولة، بعد شائعة وفاته مطالباً ان يتم التحقيق في نشر خبر وفاته ومعرفة من الذي يفعل ذلك، معلقاً “بتعرفوا تجيبوا التايهة”.
مرتضى منصور يعلق على شائعة وفاته
ونشر مرتضى مقطع فيديو عبر قناته الرسمية بموقع مشاركة الفيديوهات “يوتيوب”، وتحدث في عن الاخبار التي تم تداولها خلال الساعات الماضية، قائلاً: “صباح الخير لشعب مصر والشعب العربي الجميل اللي قلق عليا، وده فضل من ربنا انهم كل يوم يطلعوا شائعات ضدي، عايز اعرف مين اللي مصلحة في كل ده”.
وتابع قائلاً: “اولا دوروا على ممدوح عباس، ثانيا اللجنة اللي موجودة ديه بتصرف كل فلوسها بعد ما خدت الحكم عشان تشوهني باحكام كلها هم مبيحضروهاش، وفي فيفا والكاس وهي قضيتهم التشويش لحد ما وصلوا لمرحلة اليأس عملوا الشائعة السخيفة دية”.
مرتضى منصور يخاطب أجهزة الدولة
واضاف قائلاً: “الموت ده حق علينا كلنا بس انا عايز اقول ان ليا اسر ومحبين بالملايين هما اللي قلقوا، واستاذ اسامة هيكل لسه بعتلي الرسالة دلوقتي بيقولي فيها ان صفحته تم اختراقها بالامس وتنشر اخبار كاذبة تتعلق بيا”.
وخاطب مرتضى الرئيس السيسي وأجهزة الدولة قائلاً: “بطالب من اجهزة الدولة اتحركوا بقى وانا بخاطب رئيس الجمهورية واجهزة الدولة من فضلكم القصة مش انا القصة ان في كل يوم شائعة بتطلع بتعمل زوع ، وأجهزة الدولة تقدر تجيب التايهة فانا بطمن الناس انا الحمدلله بخير”.