كشف الفنان محمد نجاتي، عن الصعوبات التي واجهته خلال تصوير مسلسل مزاد الشر، الذي ينافس في الماراثون الرمضاني الحالي 2022.
وقال محمد نجاتي في تصريح خاص لـ«أوان مصر»: الحمد لله مكنش فيه مشاهد صعبة قابلتني في العمل.. والحمد لله التعامل مع المخرج والممثلين اللي كانوا معايا لم يواجهني اي صعوبة.. هي الصعوبة بس التصوير أثناء الصيام.
وواصل: كنت مستمتع جدا بالعمل لأني بشارك مجموعة كبيرة من الفنانين.. وماليش كواليس كتيرة لأني ببقى مركز أوي في المشاهد اللي أنا بعملها ولما بخلصها بطلع براجع المشاهد الجايه.
وأضاف: اتمنى طبعا إني أقدم طول الوقت الحاجات اللي تعجب الجمهور وابقى طول الوقت بقدم ليهم حاجه مفيده.
وعن الاعمال الرمضانية الذي يحب مشاهدتها قال نجاتي: مقدرش اقول اي أفضل عمل رمضاني لأن لازم قبل ما أقول اتابع كل الأعمال.. ولكن الفترة دي بتابع المداح والاختيار 3.
شخصية محمد نجاتي في مسلسل مزاد الشر
وعن شخصيته في العمل، كان قد ذكر محمد نجاتي في تصريح سابق لـ «أوان مصر»: الحكاية بتدور في إطار الأخذ بالثأر بس بشئ مختلف المره دي، وبتدور بين الأخوات وبعضهم، وبعد موت ابوهم بيحصل صراع قوي جدًا من خلال شخصية أحمد الكالح هذا الأبن الأكبر، اللي بيحس ان هو مش واخد حقه.
وواصل: دي أول مسؤولية حقيقية اتحملها في الدراما إن شاء يحسن المسلسل وينال إعجاب الجميع، والمسلسل تأليف أحمد الأباصيري، وإخراج ممدوح ذكي، بيشاركني البطولة هالة فاخر، كمال أبو رية، هاجر الشرنوبي.