عرضت الحلقة الـ 28 من مسلسل الاختيار 2 اليوم تفاصيل استشهاد ملازم أول عمر القاضي ، قائد كمين بطل 14 ، و التي استطاع ان يخطف فيها الانظار الفنان الشاب محمد منير الذي قام بـ تجسيد دوره حيث اجمع الجمهور على تقارب ملامحه مع ملامح عمر .
و في حوار خاص لـ أوان مصر كشف محمد منير تفاصيل و كواليس تجسيده لـ دور عمر القاضي في الاختيار 2 قائلاً: مكنتش متوقع اتصدر التريند من بداية ظهوري في المسلسل ، اتوقعت أنه ده يحصل مع الحلقات الاخيرة أو حلقة الاستشهاد ، و ده كله توفيق من عند ربنا .
و تابع : هفضل فخور بتجسيدي لـ شخصية عمر القاضي ، و فخور انه بدايتي تكون بتأدية دور شهيد ، و مش اي شهيد ده بطل و الناس كلها بتتكلم عنه و فكراه .
و اكمل محمد حديثه عن المخرج بيتر ميمي : لازم اتوجه بالشكر للمخرج بيتر ميمي على الثقه اللي ادهالي ، مش هقدر أوفي حقه و هو ميعرفنيش ولا انا أعرفه و اتمنى اشتغل معاه تاني ، أنا حاولت أجتهد في الشخصية و اقدمها بأحسن صورة و شكل .
أسرة الشهيد عمر القاضي تكشف لـ أوان مصر تشوقها لحلقة اليوم
و في حوار خاص مع أسرة عمر القاضي لـ أوان مصر كشفت عن انتظارهم حلقة اليوم بفارغ الصبر معلقين : احنا اكيد هنتفرج على المسلسل واي حاجة بتكون عن عمر بنتابعها باهتمام وبفرحة، لان عمر الله يرحمه طلب ان محدش ينساه قبل الاستشهاد وكان ربنا سبحانه وتعالى حققله رغبته وهي من علامات حسن الخاتمة
و تابعت : عمر كل شوية بتتجدد سيرته بين الناس في أحداث كتير جدا «ودا شئ بيبقى مبعث فخر واعتزاز لينا وفرحة لعمر وفرحة لان دمه مرحش هدر وان الناس فاكراه زي ما طلب.»
موضوعات متعلقة :
أسرة الشهيد عمر القاضي لـ «أوان مصر» : هيفضل مبعث فخر لينا لآخر العمر.. و دمه مراحش هدر