نشرالفنان محمد محمود عبد العزيز, فيديو على حسابه الخاص بموقع “انستجرام” للتعليق عن شقيق الفنانة ياسمين عبد العزيز و الفنان أحمد العوضي, بعد اعلان ارتباطها, قائلا:” الف خساره على الرجوله لما اخ يتكلم عن أخته كده.. ياسمين ب1000 راجل”.
وأضاف خلال رسالته بالفيديو:” أنا مش مصدق ومش فاهم إن في ناس بتعمل كده وأخوات بتفكر بالطريقة دى بالنسبة لي هبل وفى مواقف تتحط تحت بند هبل والموضوع تحول الى أننا بنفضح بعض واخوات في بعض وبنتكلم على بعض ونقول أى كلام في أى حاجة والسوشيال ميديا دمرت دماغنا لهذا الحد”.
وهاجم محمد , وائل عبد العزيز موجها له انتقادا قائلا: “اللي بيحصل ده ملوش أي علاقة بحاجة اسمها رجولة ولا اخوة ولا تربية وده خرج بره نطاق المنطق تماما، وانا مش مقتنع ولا مصدق اللي بيحصل خالص وانا فاكر اهلينا زمان ربونا وعلمونا اننا نتلم مع بعض بس ده للى اتربى وده للأهل اللى ربت، والمنطق بيقول اننا نقفل على بعض ونحل مشاكلنا جوا بعض ومنصغرش بعض قدام الناس واللي ملوش كبير بيشتري له كبير”.
وتابع: “أن والمشكلة الأكبر من ده كله أتكلم على واحدة منعرفهاش ووحدة مش معروفة انها بألف راجل.. ياسمين جدعة وراجل مع أصحابها واللي عملته ده مش صح والموضوع زاد قوي وحسبي الله ونعم الوكيل في الجنان والرصاصة طلعت ورشقت في قلب اختك، ومليون خسارة على الرجولة”.