شهدت مواقع التواصل الاجتماعي خلال الساعات الماضية « ردح » من نوع خاص، بين وائل عبدالعزيز ، شقيق الفنانة ياسمين عبدالعزيز، موجهًا لها انتقادات لاذعة تمس سمعتها، متهما إياها بانها تسببت في الإساءة لسمعته وسمعة أسرته ، موجهًا اللوم عليها، وعلى تصرفاتها، معتبرا ان هذه التصرفات مسيئة لها ولأسرتها بشكل عام، مضيفا بالقول ” ان تصرفاتها تسيئ للأسرة جميعا ، وتأتي بالعديد من المشاكل لهم.
في المقابل رد عليه أحمد العوضي وهو المقصود بكل ما جاء في بوست شقيق الفنانة ، ليقول له « انهى بيت إلى ادخله من بابه، إن كانت هى إلى بتصرف عليك وعلى ابنك إلى مخبيه، وراميه، وهى بتدفعله مصاريف المدرسة. مضيفاً باب ايه يابنى ادخله هو انا شفت راجل واقف جنبها، دى واحدة انتا مبتعملش حاجة غير انك بتستنزفها هى ومامتها، باب ايه يابنى إلى هدخله من باباه وأكلم واحد بيتكلم على عرضه ولحمه قدام الناس ، يابنى انا من عين شمس منطقة شعبية اتربيت على ان الاخت والام والست الكلام عليها من الكبائر، عربية ايه يبانى انا اجرى الحمد لله يعيشنى كويس ويجبيلى عربية حلوة وبيت كويس ، بمجهودى وشغلى مش على عرق واحده ست ، باب ايه ياحبيبى الى ادخله وأنت اصلاً عايش باسمها، انا شقيت على حالى بعرقى ، لكن انتا فشلت فى كل شىء فشلت كممثل وفشلت كأخ وفشلت كبنى أدم.
جاءت ردود العوضي على حديث وائل عبدالعزيز شقيق الفنانة ياسمين بعد توجيه انتقاد لشقيقته عبر موقع التواصل الاجتماعي فيس بوك حيث انتقد وائل عبدالعزيز شقيق الفنانة ياسمين عبدالعزيز تصرفاتها، الاخيرة ونشر صورها على السوشيال وصفحات التواصل الاجتماعي.
ووجه شقيق الفنانة بعض اللوم عليها، وعلى تصرفاتها، معتبرا ان هذه التصرفات مسيئة لها ولأسرتها بشكل عام، مضيفا بالقول ” ان تصرفاتها تسيئ للأسرة جميعا ، وتأتي بالعديد من المشاكل لهم.
شقيق ياسمين عبد العزيز
وفيما يلي نص البوست الذي كتبه شقيق الفنانة على صفحته بموقع التواصل الاجتماعي فيس بوك:« بصي يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة الى لبستيها التورته فى وشها”.
“وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من امتى واحنا بنعمل أعياد ميلاد وتنزل على السوشيال ميديا، من امتى الناس بتجيب فى سيرتنا؟ ونقعد نتعاكس على السوشيال ميديا؟.
ومع ذلك حياتك وانتى حره فيها، أنا هتكلم على الشق اللى يخصنى، انتى مقاطعة كل العيلة عشان تعملى اللى على مزاجك، احنا دلواقتى وعايزين نفهم العلاقة دى ايه و رايحه على فين ..
“أما بالنسبة للأخ الى ماشى وراكى فى كل حته وشايفك البيضة الدهب الى هتفقسله كل يوم احب أقولك يا راجل لما تيجى تدخل بيت تدخله من بابه يا راجل !! وتقعد مع رجاله البيت !!..دى الأصول وده الاحترام .. وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال الى انت سالكه من سنين مع بنات الناس !!.. انا من راى كفايه عليك البطوله الى أخدتها والعربيه المرسيدس الهدية، وتركز فى شغلك وتسيبنا فى حالنا لان طول عمرنا فى حالنا ومحدش سامع عننا حاجه وملوش لازمه جو الصور والمعاكسات ده وانا مبخفش من تهديد حد”.
وعلى صعيد متصل قام احمد العوضي بحذف البوست من على صفحته، قبل ان ينتشر.