عبر الفنان محمد رضوان، عن شدة سعادته بـ ردود الأفعال على دور رمضان حريقة الذي لعبه ضمن أحداث مسلسل موضوع عائلي 2، بعد تصدر العمل تريند كل مواقع التواصل الاجتماعي.
وقال محمد رضوان خلال حواره في برنامج MBC Trending، إنه لم يكن متخيلًا تلك النجاح الذي حققه بـ المسلسل، حيث علق، قائلًا: «ردود الفعل قوية جدا ومكنتش متوقع النجاح ده خالص، بس كنت متطمن لأن الناس بتحب الشخصية ومتعلقة بيها فـ هيتقبلوا أي كوميديا ممكن تطلع منها».
وعن التجهيزات لشخصية رمضان حريقة، قال: «الكوميديا محببة للناس وده أول دور أقدمه يكون كوميدي صرف من الأول للآخر، الشخصية موجودة عشان كده الناس حبيتها، وإحنا كلنا كنا زي فريق الكورة، وبنباصي لبعض عشان كل واحد يقول إفيه».
تابع محمد رضوان: «ماجد الكدواني عظيم ومن الممثلين المهمين جدًا في مصر ولما بشتغل معاه بحس إني في حالة من المتعة، وكنت متأثر جدًا في آخر حلقتين كأني مشاهد بالرغم من إني قاريء الحلقتين، وكنت بعيط ومتأثر زيهم، وده بيرجع لأحمد الجندي المخرج لأنه كان مركز في كل تفصيلة».
واختتم محمد رضوان كلامه عن موضوع عائلي 2، قائلًا: «ساعات كنا بنرتجل في المشاهد بس بيكون ارتجال جوه الشخصية مش خارج السياق، وكل واحد بيعمل شخصية ملتزم بها وبتفاصيلها».