كشف الفنان محمد جمعة عن ما هو سبب مشاركته في الجزء الثاني من مسلسل «في بيتنا روبوت2»، وأعلن أنه لم موعد عرضه المحدد منذ بداية الاتفاق مع شركة الانتاج في المارثون الرمضاني 2022.
وقال محمد جمعة في لقاء مع برنامج «الراديو بيضحك» من تقديم الإعلامية فاطمة مصطفى عبر إذاعة «الراديو 9090»: «أولاً لازم نعرف أنا ليه عملت المسلسل ده، لو المشوار علشان أنا نفسي أشتغل مع المخرج محمد ياسين، أما عن ظهوره في مسلسل «دايماً عامر» علشان المخرج مجدي الهواري صديقي».
وأضاف: «أما عن مشاركتي في مسلسل «في بيتنا روبوت 2» علشان عمر ابني، وبعد عرض الجزء الأول اشتريت لابني «روبوت» وكان غالي أوي ساعتها، وبيتكلم دايماً زي “لذيذ” و”زومبا” حاضر»
وتابع: « لما روحت بعد موافقتي على مشاركة مسلسل «في بيتنا روبوت 2»، وافقت على طول ولما قابلت هشام جمال قولتله أنا مش جاي علشانك أنا جاي علشان عمر ابني، علشان يشوفني هو أكيد مش هيتفرج على جزيرة غمام هو 6 سنين لسة».
محمد جمعة يشيد بعبد الرحيم كمال
وعلى جانب آخر أعرب الفنان محمد جمعة عن سعادته البالغة، بالمشاركة في مسلسل جزيرة غمام، الذي يؤدي بطولته كلًا من الفنان طارق لطفي، والفنانة مي عز الدين، وتأليف السيناريست عبد الرحيم كمال.
وقال محمد جمعة في تصريح خاص لـ “أوان مصر”، أنه لما علم أن كاتب العمل هو السيناريست الكبير عبد الرحيم كمال، وافق على الفور، مؤكدًا: -أول ما كلمتني جهة الانتاج وجالي الاسكربت، وعرفت أن السيناريست عبد الرحيم كمال، ده أول حاجه خلتني اتخضيت.
وأضاف: حسيت إني داخل على حاجه كبيرة.. وأن أي حاجه تخص الكاتب الكبير عبد الرحيم كمال دي محتاجه فعلا واحد يقعد ويذاكر ويقرأ كتير عشان بتكون حاجه تقيلة وجامدة ومحتاجه فعلا اننا نذاكرها كويس أوي.