أكد الإعلامي محمد الغيطي أن الفنانة بوسي هاجمته بشدة منذ أيام، قائلاً: «أنا مقولتش حاجة، وكل اللي اتكلمت عنه كان بر الوالدين وأبوها كلمني وعمل معايا مدخلة، والوسط الفني كله عارف المشكلة اللي كانت بينهم».
وقال محمد الغيطي، فى برنامجه التليفزيوني: «مبرر بوسي وزوجها اللي خرج يقول أنها معرفتش خبر موت أبوها غير بعد يومين، وده كان سبب عدم حضورها جنازة والدها، ده عذر أقبح من ذنب».
وأضاف محمد الغيطي: «بوسي تعيش فترة من التوتر حالياً بسبب عودة زوجها إلى طليقته، وصرحت الأخيرة بأن زوجهما وعدها بتطليق بوسي من أجل الأولاد».
زوج بوسي ينفي انفصالهما: رصيدها زاد عندي لما وافقت إني أرجع لأم أولادي
وعلى صعيد آخر قال هشام ربيع مصفف الشعر وزوج المطربة بوسي، خلال مدخلة هاتفية ببرنامج «90 دقيقة»، والذي تقدمه الإعلامية بسمة وهبة على قناة المحوي، إن ما تروجه السوشيال ميديا بشأن تدهور العلاقات بينهما أمر مغلوط تماما.
موضحًا: «هي علشان مشهورة فالموضوع أفور بشكل غير عادى فى السوشيال ميديا وبوسى تنهار بسبب حديث السوشيال ميديا أنها كانت تعوق والدها».
وأضاف: «أنا صالحت بوسي ووالدها على بعض، وقلت لها عاوزين نتصور مع بعض وننزل الصورة عشان الناس فاهمة إنك عاق، لكن هى قالت أنا ميهمنيش الناس، أنا بعامل ربنا».
وتابع مصفف الشعر وزوج المطربة بوسي: «رجعت لأم أولادى دي أم ولادي ومتجوزين من 15 سنة وولادنا مع بعض فى كل حتة، ورصيدها زاد عندى لما وافقت أرجع لأم الأولاد».