كانت الفنانة لبلبة ضيفة لقاء لراديو النيل على هامش مهرجان القاهرة السينمائي الدولي في دورته الـ 44.
وقالت لبلبلة: « لا أحب تكرار دور من أدواري، وأحرص دوما على تقديم كل ما هو جديد».
وأضافت: « نفسي أعمل فيلم عن ذوي الهمم، يا إما أكون أنا اللي منهم، أو أكون أم لطفلة من ذوي الاحتياجات الخاصة».
تكريم لبلبة بـ مهرجان القاهرة
تم تكريم الفنانة لبلبة في حفل افتتاح مهرجان القاهرة السينمائي بدورته الـ 44، حيث تم حصولها على جائزة الهرم الذهبي التقديرية لإنجاز العمر، كتقدير لمسيرتها الفنية الطويلة المهمة التي قامت بتقديمها خلال السنوات الماضية، والتي كانت بين المسرح والسينما والتليفزيون والاستعراضات،
وقالت لبلبة أثناء تكريمها على المسرح:” بشكر بلدي مصر اللي اتربيت من خيرها، ووزيرة الثقافة الدكتورة نيفين الكيلاني، وحسين فهمي رئيس مهرجان القاهرة، وجمهوري اللي شجعني وأنا طفلة ولحد اللحظة الحالية”.
وأضافت لبلبة باكية: “دايمًا لما ببص في الكواليس بلاقي والدتي بتشجعني، ومفيش مرة ماكنتش واقفة في الكواليس، لما كانوا يعلنوا عن مهرجان القاهرة تقول لي إنتي هتتكرمي، وما يحصلش نصيب، والسنة اللي بعدها تقول لي هتتكرمي السنة دي أنت أكتر واحدة اشتغلتي وبرضه ما يحصلش نصيب، ودلوقتي أنا بحقق لها أمنية، ولكن هي مش موجودة وأنا بتكرم النهارده”.