تم تكريم الفنانة لبلبة في حفل افتتاح مهرجان القاهرة السينمائي بدورته الـ 44، حيث تم حصولها على جائزة الهرم الذهبي التقديرية لإنجاز العمر، كتقدير لمسيرتها الفنية الطويلة المهمة التي قامت بتقديمها خلال السنوات الماضية، والتي كانت بين المسرح والسينما والتليفزيون والاستعراضات،
وقدرت من خلال هذه المسيرة أن تحجز مكانة فريدة عند جمهورها في مصر والوطن العربي.
وقالت لبلبة أثناء تكريمها على المسرح:” بشكر بلدي مصر اللي اتربيت من خيرها، ووزيرة الثقافة الدكتورة نيفين الكيلاني، وحسين فهمي رئيس مهرجان القاهرة، وجمهوري اللي شجعني وأنا طفلة ولحد اللحظة الحالية”.
وتابعت: “بشكر كل اللي اشتغلت معاهم الممثلين والمخرجين والعمال اللي اتربيت في وسطهم بشكرهم أوي، وبشكر كل زمايلي اللي فيه بيني وبينهم عشرة طويلة وبحبهم وعارفة أنهم بيحبوني”.
وأضافت لبلبة باكية: “دايمًا لما ببص في الكواليس بلاقي والدتي بتشجعني، ومفيش مرة ماكنتش واقفة في الكواليس، لما كانوا يعلنوا عن مهرجان القاهرة تقول لي إنتي هتتكرمي، وما يحصلش نصيب، والسنة اللي بعدها تقول لي هتتكرمي السنة دي أنت أكتر واحدة اشتغلتي وبرضه ما يحصلش نصيب، ودلوقتي أنا بحقق لها أمنية، ولكن هي مش موجودة وأنا بتكرم النهارده”.
وحكت لبلبة موقف تذكرته أثناء تكريمها، معلقة:” ووالدتي لما كانت حامل فيا كانت بتتفرج في السينما على فيلم وجالها وجع الولادة وبسرعة لحقوها ولو ماكنوش ودوها المستشفى كنت هتولد في السينما”، معقبة: اللي حصل حاجة غريبة لأني أتولد زي النهادره 13 نوفمبر الساعة 12.