علق لاعب النادي الأهلي محمود كهربا على الأزمة بين شيكابالا وجماهير النادي الأهلي قائلًا: “وجهة نظري مبحبش أتكلم عن لاعبين خارج النادي الاهلي، وطالما مش زميل ليا.
وأوضح كهربا خلال تصريحات تليفزيونية: أنه كان فيه مشاكل بين شيكابالا والجمهور، وأنا صاحبت شيكابالا، والجمهور بيعرف يعصب اللاعب، وعارفين الدخلة بتاعته وإزاي يضايقوه، وجمهور الأهلي عمره ما يغلط في حد، ودي سابقات بين الجمهور وشيكابالا.
كهربا: ما أعرفش ليه شيكابالا مضى للأهلي
وأكمل لاعب الأهلي: معرفش ليه شيكابالا مضى للأهلي قبل كده، والأهلي طموح لأي لاعب في مصر وأفريقيا، وحلم لأي حد يلبس تيشيرت الأهلي”.
وقال محمود كهربا: “ماتشات الديربي لازم نكسبها، واحنا في الأهلي بنبقى داخلين عشان نكسب الماتش.
وأتم كهربا: موضوع إن لاعبى الزمالك بيتربى جواها كره الأهلي ده معرفوش، وإحنا في الأهلي عندنا سيستم إننا روح الجماعة، مش روح النجم الأوحد.
وأكد لاعب الأهلي: وأنا في الزمالك كنت انا ساعتها نجم الفريق مش شيكابالا، وده ثقة مش غرور، ولعبي وأرقامي بيقولوا كده إني كنت أحسن وهو في حتة وأنا في حتة”.
ويستعد النادي الأهلي لمواجهة فريق سيمبا التنزاني يوم 29 مارس الجاري الموافق يوم الجمعة المقبل ضمن مباريات ذهاب الدور الربع النهائي من دوري أبطال أفريقيا.