علق محمود عبدالمنعم كهربا لاعب النادي الأهلي ومنتخب مصر، على أزمته مع كابتن مجدي عبد الغني قائلًا: “مضيت على بياض حبًا في نادي الزمالك عشان أطلع إعارة لاتحاد جدة السعودي.
ووضح كهربا: أن إدارة الزمالك في ذلك الوقت ملوا العقد في 2017 وحطوا فيه 4 سنين، واتوثق في 2018، والمسئول عن ده كابتن مجدي عبد الغني، وميعرفش حاجة عن حب وخير الأهلي عليه، ومصلحته أهم من حبه للأهلي.
وأضاف كهربا: ليه تظلمني وانا من دور ولادك، ومصالح بينه وبين ناس كتير، وجريت ورا حقي وده اللي خلص عليا، وشهد وبصم ومضى ضدي، ومواجهتوش لأن حقى عند ربنا، وكل يوم وطول العمر بقول حسبي الله ونعم الوكيل”.
كهربا: حسبي الله ونعم الوكيل في مجدي عبدالغني
وقال محمود كهربا خلال استضافته ببرنامج “أسرار” مع الإعلامية أميرة بدر المذاع على قناة النهار: “أنا بالإنجازات اللي وصلتلها دلوقتي أكيد أنا مش ظالم، وربنا كرمني، وأنا عيل صغير بالنسباله وهرد عليه أقوله إيه، وعمره ما يعرف يرد عليا بحاجة، اتظلمت ظلم وحش أوي، وربنا جابلي حقي الحمدلله.
وأتم كهربا: أن أحمد مجاهد في نفس مركب مجدي عبد الغني، وطول حياتي مشتمتش الزمالك، وبحترمهم جدًا، ولازم يعرفوا إني مظلوم، ولما غلط كنت في النادي، وغلطوا في أهلي، وأنا دخلت للزمالك مبلغ كبير في الإعارات حوالي 84 مليون في الوقت ده”.
ويستعد النادي الأهلي لمواجهة فريق سيمبا التنزاني يوم 29 مارس الجاري الموافق يوم الجمعة المقبل ضمن مباريات الدور الربع النهائي من بطولة دوري أبطال أفريقيا.