وجه محمود كهربا لاعب الفريق الأول لكرة القدم بنادي الأهلي رسالة لجمهور نادي الزمالك: أنا لا أذيت ولا شتمت عشان دي تربيتي واللي بيغلط فيا ربنا يسامحوا.
وعلق محمود كهربا على فكرة انتقاله من الزمالك للنادي الأهلي قائلًا: “حققت مع الزمالك بطولات لكن كان عندي طموحات أكبر من كده، ومن صغري وانا أهلاوي وبحضر في المدرجات مع الألتراس وكنت بعيط ساعات.
محمود كهربا: طموحي في الزمالك كان صعب
وقال محمود كهربا، خلال استضافته ببرنامج “أسرار” مع الإعلامية أميرة بدر المذاع على قناة النهار: “الزمالك له فضل عليا، لكن الأهلي كان طموحي الأكبر، وأنا أثق في نفسي من قدراتي لكن مش مغرور.
وأضاف لاعب الأهلي: لما لعبت في البرتغال كان نادي صغير ومكنش هيقدمني، وأحب أقول لجمهور الزمالك ولا أذيتكم ولا شتمت وده اللي اتربيت عليه، واللي بيغلط فيا ربنا يسامحوا.
وأتم كهربا: أنا إتحاربت كتير، وأي حد في مكاني كان عمل أكتر من كده، لكن اللي فات مات”.
ويستعد النادي الأهلي لمواجهة فريق سيمبا التنزاني يوم 29 مارس الجاري الموافق يوم الجمعة المقبل ضمن منافسات ذهاب الدور الربع النهائي من بطولة دوري أبطال أفريقيا.