أكد المهندس كامل الوزير وزير النقل: “لم ولن نبيع أصول القطار الكهربائي السريع، ولكن بصراحة القطار جديد علينا ومنقدرش نشغله ولسه بدري علينا علشان نشغله مهما دربنا الناس بتوعنا”.
تشغيل وإدارة القطار الكهربائي السريع
وأضاف خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: “القطار الكهربائي السريع علشان سريع معاملات الأمان والسلامة عالية جدا وظروف التشغيل دقيقة جدا والقطار بيطلع بالثانية وبيوصل بالثانية، فلازم نجيب مشغل عالمي جيبنا سكك حديد ألمانيا أحسن ناس في العالم بتدير، بتوجيه من الرئيس السيسي والحكومة جِبنا شركة سكك حديد ألمانيا تشغل وتدير هيكسبوا ويكسبونا، وهيسددوا اللى احنا صرفنا على القطار خلال 20 سنة”.
خسائر ومكاسب القطار الكهربائي السريع
وأكد: “أول خمس سنين من تشغيل القطار الكهربائي السريع هنخسر شوية مليون تلاتة خمسة مليون ومن السنة السادسة هنبدأ نكسب 15 سنة يكون جيبنا قيمة الأصول، الشركة تدير الأصل ولكن 95% من اللي شغالين مصريين”.