قال الفنان وائل جسار شكرا على المعايدة الجميلة من ميجا FM، وإن شاء الله دايما من نجاح لنجاح، وأحلى حاجة حصلت فى حياتى السنة اللى فاتت إني الحمد لله صحتى كانت كويسة ولسه لغاية دلوقتي، ودي أكبر نعمة، جاء ذلك خلال مداخلة هاتفية لبرنامج خلاص صحينا على ميجا اف ام والبرنامج من تقديم مارينا المصري.
وأضاف أتمنى أفضل دايما فى قلوب الناس بصورة طيبة، وأعمالى توصلهم بطريقة تبسطهم وتفرحهم، وبشتغل دايما على إن الأغانى اللى بقدمها تعيش لأجيال وأجيال.
وتابع لازم مع الوقت يحصل تطور فى شكل الأغاني لكن أصل الفنان هو اللى باقى، ومن وجهة نظرى الأغانى الرومانسية والكلمات الجميلة والإحساس والموسيقى لازم يستمروا.
وعلى قد ما التطور كبير وسريع جدا، بالنسبة ليا بفضل إننا نستمر على الأصالة والنوعية الجيدة من الأغانى، ولو هتمنى أعمل أغنية cover لفيروز بمناسبة عيد ميلادها، هتبقى أغنية “من عز النوم”.
واختتم قائلا التجاهل بالنسبة لي قوة مش ضعف، وده بعمله مع أى حد بيأذيني أو بيتكلم عليا بطريقة مش حلوة، وبشوف إن ده أكبر رد على طريقته معايا.