كتبت: رغدة رضا.
حلت الفنانة فيفي عبده ضيفة برنامج “عندي سؤال”، الذي يقدمه محمد قيس عبر قناة “المشهد”، وتحدثت عن حرمانية الرقص، وعن ارتدائها للحجاب، وعدد مرات العمرة والحج التي قامت بها.
حيث عرضت “عبده” وجهة نظرها اتجاه من يقول أن الرقص حرام، قائلة: “الرقص حرام ليه؟ هو مش شغل زي أي حاجة الباليه حرام؟ في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه”.
أما عن ارتدائها الحجاب، قالت: “أنا متحجبة طول الوقت، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كده وإذا كان على الشغل لو ربنا قالي في أي وقت إلبسي الحجاب هلبسه”.
فيفي عبده: عامله 37 عمرة وحجيت 5 مرات
وكشفت عن عدد مرات العمرة والحج التي قامت بها، قائلة: “أنا عامله 37 عمرة وحجيت 5 مرات، وبقول للناس متشوفوش الظاهر بس اعرفوا أن الفنانين دول عندهم حاجات كتير حلوة إنتوا مش بتقدروها لكن ربنا بيقدرها، أنا لما كنت بروح مكنتش أتكلم مع مخلوق أحط حجابي أروح أصلي صلاتي وأرجع وأخد أهلي كلهم معايا، هيقولوا عاملة دا ورقاصة، أه دي نقرة ودي نقرة هو حساباته غير ويعمل اللي هو عايزة، عملت اللي يرضيني في الحياة ومطمنة جدا حاسه إني هقابل ربنا وأنا مستريحة في أي وقت، نفسي أقول للناس متبصوش للشكل الظاهري للفنان بصوا لقلوبهم وتصرفاتهم”.