انتقدت الفنانة فريدة سيف النصر، الجيل الحالي وطريقة تفكيرهم، مؤكدة على أنه اسوأ من الاجيال السابقة لأنهم مفتقدين القدوة.
وقالت “سيف النصر” خلال لقاءها ببرنامج “كلام الناس”: “كل ما بندخل على جيل بيبقى اسوأ من اللي قبله مع الأسف الشديد، لانهم فاقدين القدوة، وكله طالع عاوز يبقى عنده الفيلا والألماظات”.
وأردفت: “جيلنا محظوظ اكتر، يعني انا طلعت لقيت سهير رمزي بثقافتها وعقلها وتوازنها، فبقول لنفسي انا عاوزة بردو ابقى تقيله، شوفت نبيلة عبيد ونادية الجندي ومديحة كامل كل واحد فيهم ليها وزنها، لكن على الشاشة بيعملوا ما بادلهم، دور رقاصة دور منحرفة، لكن في حياتهم الخاصة حاجة تانية، مثلا مبفتحش الحنفية الاقيها نازلة تخر”.
فريدة سيف النصر: كان نفسي اتباس من ممثلين حلوين
من جانبها، أكدت فريدة سيف النصر، على أنها لولا زواجها كانت سمحت بمشاهد القبلات في الافلام التي شاركت بها.
وقالت “سيف النصر” خلال لقاءها مع برنامج “كلام الناس”: “في ظروف وفي جوازة ما، مكنش ينفع اتباس في الافلام، انا كان نفسي والله كان فيه ممثلين كتير حلوين عاوزة ابوسهم بس مقدرتش”.
وأضافت: “لما بكون زعلانة من حد مبقدرش ابوسه ببقى واخدة منه جنب، وكان فيه زمان ايحاءات المخرج بيعملها، مثلا يرموا ملاية على الكاميرا، او مثلا القهوة تفور”.
وأردفت فريدة سيف النصر: “كل واحد حر في نفسه، لكن احيانا بيكون فيه فنانين مجبرين زي مثلا فيلم “المغتصبون”، كان لازم يبقى فيه مشاهد حقيقية، وكل مخرج ليه رؤيته وزاوية تصويره”.
وتابعت: “انا معملتش مشاهد ساخنة ومع ذلك قهروني، وكل شوية يجبوا اسمي في المشاهد الساخنة والبورنو وانا مكنش ليا علاقة بالكلام ده”.