أعربت الفنانة فريدة سيف النصر، عن استيائها الشديد من تعليقات الجمهور السلبية على مشهد “بنقفش في الفراخ”، الذي جسدته مع الزعيم عادل إمام في فيلم “مين فينا الحرامي”.
وقالت “سيف النصر” خلال حوارها مع الإعلامية ياسمين عز، ببرنامجها “كلام الناس”: “فيلم مين فينا الحرامي هو اللي جايبلي الكافية، مش مضايقة من الفيلم، لكن العيال الجمهور، هما فعلا عيال لانهم اتولدوا بعد الفيلم ما تعمل بكتير، لحد النهاردة بيقولولي نقفش في الفراخ وبيغظوني بقى، كأنهم مسكوني في قضية دعارة”.
وأضافت: “ايه يا جماعة فيه ايه ده فيلم، ومكنش فيه اي حاجة غير ان عادل امام كان نايم جمبي على الارض في المشهد، ومن وقتها مسكنهالي ذلة، اول ما اقول رأي في اي حاجة يقولولي شوفي نفسك الاول كنت بتقفش في الفراخ، انا مش فاهمة عملت ايه لكل ده”.
فريدة سيف النصر: كان نفسي اتباس من ممثلين حلوين
وقالت “سيف النصر” خلال لقاءها مع برنامج “كلام الناس”: “في ظروف وفي جوازة ما، مكنش ينفع اتباس في الافلام، انا كان نفسي والله كان فيه ممثلين كتير حلوين عاوزة ابوسهم بس مقدرتش”.
وأضافت: “لما بكون زعلانة من حد مبقدرش ابوسه ببقى واخدة منه جنب، وكان فيه زمان ايحاءات المخرج بيعملها، مثلا يرموا ملاية على الكاميرا، او مثلا القهوة تفور”.
وأردفت فريدة سيف النصر: “كل واحد حر في نفسه، لكن احيانا بيكون فيه فنانين مجبرين زي مثلا فيلم “المغتصبون”، كان لازم يبقى فيه مشاهد حقيقية، وكل مخرج ليه رؤيته وزاوية تصويره”.
وتابعت: “انا معملتش مشاهد ساخنة ومع ذلك قهروني، وكل شوية يجبوا اسمي في المشاهد الساخنة والبورنو وانا مكنش ليا علاقة بالكلام ده”.