كشفت الفنانة فريدة سيف النصر، سبب خلعها للحجاب، من بعد التزامها به لفترة من الوقت تزامنًا مع حفاظها على حضور الدروس الدينية.
وقالت فريدة خلال حوارها مع الإعلامية ياسمين عز: “كان ليا صاحبة بحبها جدا، وكانت انتمتي وحببتي، وكنت اروح الشغل اسيبها في البيت تعمل الاكل وتقعد مع عيالها، وانا من النوع اللي بيآمن”.
وأضافت: “اتحجبت وانشغلت في الدروس الدنية، واكتشفت ان انتمتي كانت بتخوني مع جوزي، وخطفته مني، استاذة ورئيسة قسم تمام”.
وأشارت إلى أنها كانت طيبة ومنزلها مفتوح للجميع: “لو حكيت هقول بلاوي، بيتي اللي في المهندسين مفيش فنان في مصر معداش عليه منهم علاء ولي الدين، كنا نقعد في الارض كده ناكل ونشرب”.
فريدة سيف النصر: كان نفسي اتباس من ممثلين حلوين
من جانبها، أكدت فريدة سيف النصر، على أنها لولا زواجها كانت سمحت بمشاهد القبلات في الافلام التي شاركت بها.
وقالت “سيف النصر” خلال لقاءها مع برنامج “كلام الناس”: “في ظروف وفي جوازة ما، مكنش ينفع اتباس في الافلام، انا كان نفسي والله كان فيه ممثلين كتير حلوين عاوزة ابوسهم بس مقدرتش”.
وأضافت: “لما بكون زعلانة من حد مبقدرش ابوسه ببقى واخدة منه جنب، وكان فيه زمان ايحاءات المخرج بيعملها، مثلا يرموا ملاية على الكاميرا، او مثلا القهوة تفور”.
وأردفت فريدة سيف النصر: “كل واحد حر في نفسه، لكن احيانا بيكون فيه فنانين مجبرين زي مثلا فيلم “المغتصبون”، كان لازم يبقى فيه مشاهد حقيقية، وكل مخرج ليه رؤيته وزاوية تصويره”.
وتابعت: “انا معملتش مشاهد ساخنة ومع ذلك قهروني، وكل شوية يجبوا اسمي في المشاهد الساخنة والبورنو وانا مكنش ليا علاقة بالكلام ده”.