روت الفنانة غادة عبد الرازق تفاصيل عن حياتها الشخصية، وكيف صارت شخصية عامة، وجاء ذلك من خلال حوارها مع الإعلامي مصطفى الأغا ببرنامج صدى الملاعب الذي يعرض عبر قناة mbc 1 الفضائية.
غادة عبد الرازق تكشف كواليس عن حياتها
وصرحت قائلة: “اللي يكسرني ان حد يحاول يوقفني بالعافية والشخص ده موجود في البداية كان كتير ومكنتش متخيلة ان الموضوع هيبقى واكبر واكبر والموضوع دلوقتي اصعب مليون مرة من بداياتي”
وتابعت قائلة: “عمري ما اتنازلت في حياتي لاي حد في الدنيا ومش بنافق حد اكون مهذبة في الكلام انما انافق لا وشخصيتي مش ماشية مع الوسط الفني وماشية عكس الطيار وساعات ببقى فوق وتحت من حوالي 4 5 سنين انهرت واللي قواني ربنا انا دمعتي قريبة جدا بكيت من 10 ايام آخر بسبب مشكلة في شغلي، والشغل بيبكيني عشان أنا لم أصل له بسهولة ولا في يوم وليلة”.
وأوضح أسباب بكائها الشديد قائلة: “لإني مكانش ورايا اللي ينتج لي أو يفرضني أو يطلعني، ولكن وصلت بعرقي ومجهودي من وأنا عندي 21 سنة، فلازم أوصل في يوم من الأيام لو اتأذيت في شغلي إني أعيط واتقهر”.