كشفت الفنانة شيماء سيف، عن سر فقدانها في الوزن، في لقائها مع الإعلامية ياسمين عز، في برنامجها كلام الناس، المذاع عبر شاشة قناة MBC مصر.
وقالت: «عملت تكميم معدة، وأنا صاحبة مقولة ليه أعمل رجيم وأنا قدامي شوكولاتة، وأنا كنت بقول إلا صحتي والسنة اللي فاتت رجلي بدون سابق إنذار وركبتي مش قادرة أتنيها، ولما بطلع السلم بصرخ وبحس بوجع فظيع، وكلمت دكتور وقالي لازم تعملي أشعة وقالي لازم نعمل تغيير مفصل حالًا، وهنا حسيت أني واحدة تانية».
مضافة: «أنا بكره المستشفيات وانهارت وجالي اكتئاب، والفنانة يسرا قالتلي أنتي فيكي حاجة، ووقفت التصوير وحكيت لها، وقالتلي نروح لدكتور تاني وفعلا طمني وقالي مش محتاجة عملية ولكن إنتي شيلتي ركبتك حمل واحدة مشيت 80 سنة، وخدت القرار بتاع التكميم شكة دبوس، ومي كساب كانت بتزن عليان علشان أعملها وصلت لمرحلة لما بشوف حد بياكل بقيت قرفانة منه».
مختتمة: «نزلت 50 كيلو، وراضية جدًا عن شكلي دلوقتي وعايزة أوقف كده، ومبسوطة أني بقيت أركع وأنا بصلي، الأول كنت بصلي على كرسي زي الناس الكبيرة، وربنا يديم علينا الصحة، بتفرج على نفسي في الفيديوهات القديمة بتخض، أنا مكنتش بشوف نفسي كده كنت بشوف نفسي قمر، دلوقتي بشوف نفسي فيها مدينة رأس سدر».
أخر أعمال شيماء سيف
ويعد مسلسل فراولة، هو اخر أعمال شيماء سيف حول فراولة التي تجسدها الفنانة نيللي كريم قارئة الفنجان وابنة حارس العقار، والتي تحاول النجاح وتغيير حياتها الاجتماعية، لتصبح سيدة أعمال وتصير من مشاهير السوشيال ميديا، في رحلة صعود مليئة بالمواقف الكوميدية، حتى تصبح سيدة مجتمع وخبيرة في مجال الطاقة، ثم تواجه العديد من الصعاب ضمن أحداث المسلسل.
ويشارك في بطولة المسلسل صدقي صخر، وأحمد فهيم، وعلا رشدي، وحجاج عبد العظيم، ودنيا سامي، وتوني ماهر، وتأليف محمد سليمان عبد المالك، وإخراج محمد علي.