كشفت الفنانة شيماء سيف، عن سر خلافها مع الفنانة هنا الزاهد، في لقائها مع الإعلامية ياسمين عز، في برنامجها كلام الناس، المذاع عبر شاشة قناة MBC مصر.
وقالت شيماء سيف: «أقسم بالله أنا عارفة أن الناس مش هتصدقني، أنا أبسط وأتفه في الخناقات من ما أنتم متخيلين، والمشكلة كانت مع صاحبتي وكنا رايحين مع بعض عزاء وحصل مشكلة بسيطة أوي وقتها وكل واحدة راحت لوحدها، وهي بدأت ونزلت عندها أن الأشخاص اللي ربنا بيبعدهم عنك بيبعدهم علشان بيحبك، علشان كده لقحت عليها، ونزلتها على الملأ علشان تشوفها وأختها تشوفها، واتصالحنا ومفيش أي حاجة».
مضافة: «البرامج الهارد توك شو، وبيبقوا عايزين يجيبوني وأنا مش لايقة على البرنامج وبيتكلموا على مشكلة قديمة علشان مفيش، ولكن أنا عندي 20 خناقة جديدة ومتعرفتش، وعملت مشاكل مع واحد قريب، وهو اتخض مني علشان كان فاكرني كيوت، وأنا كنت بصلي في الكرافان وزعقلي وقالي إحنا كل ده مستنينك، وأنا أصلًا مخدتش 5 دقائق لأن المخرج كمان راح يصلي».
واختتمت: «الشخص ده كان عايز يتصيد خطأ، وهو على صوته وعليت صوتي وجري، وكانت خضة لأنه كان متخيل أني كيوت ولكن أنا شبح ومش متربية في الزمالك، وكنا بنصور في نادي والناس كلها كانت فرحانة فيه».