تحدث الفنان عمرو مصطفى على الجدل بشأن لقب صوت مصر بين الفنانة شيرين عبد الوهاب والفنانة أنغام، خلال الفترة الماضية، بالإضافة لـ الحديث عن جديد خطته الفنية قريبًا.
وقال عمرو مصطفى خلال حواره لـ برنامج ET بالعربي: الاتنين صوت مصر بصراحة لأن ليهم تاريخ فمتقدرش تحدد لكن الشعوب هي اللي حددت وبتقول ده يلقب بإيه.
وعن أعماله الفنية القادمة، أشار عمرو مصطفى، أنه يتفرغ خلال الفترة الحالية لـ مشاريعه الفنية الخاصة به، معلقًا: أنا فاضي للمشروعات بتاعتي، وأي مطرب هيطلب مني أغنية يديني صوته، وأنا اللي بنتج لي شكل الأغنية، ومش هلحن أغاني تاني لحد إلا بشرط لو هيدفع فلوس كتيرة جدًا.
وتحدث عمرو مصطفى مؤخرًا على فكرة استخدامه تقنية الذكاء الاصطناعي لـ إعادة إحياء أصوات الفنانين، ورد عمرو مصطفى في حواره مع برنامج ET بالعربي، قائلًا: أنا شايف أن ورثة كل العظماء اللي توفوا جاتلهم الفرصة إنهم يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية.
وتابعت عمرو مصطفى: مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية.