نفى الملحن والفنان عمرو مصطفى تفاصيل أولى مقابلة التي سردها المنتج محسن جابر بينه وبين عمرو وعمرو دياب، مشيرًا: أقسم بالله كل كلمة نطق بها هذا الشخص كاذبة.
وكتب عمرو مصطفى تعليقًا على تصريحات المنتج محسن جابر خلال حواره في برنامج حديث القاهرة الذي يقدمه الإعلامي خيري رمضان، عبر شاشة قناة القاهرة والناس، قائلًا: يعني أنت بتزور التاريخ وأنت في السن ده.. طب أرد عليك إزاي وأنت راجل في السن ده، أقسم بالله كل كلمة نطق بها هذا الشخص كاذبة.. ولي حق الرد في نفس البرنامج أو برنامج آخر لفتح جميع ملفاته وملفات شركاته وجميع الفنانين الذي يطلقهم على القنوات علشان يهاجموني أنت مَن دمرت الفن في الوطن العربي.
وتابع عمرو مصطفى: استلمت مصر أم كلثوم وفايزة وشادية وعظماء لحد ما وصلتها للمهرجانات.. ده الوقت اللي لازم حد يقف لك وينهي المهزلة دي.
وكان كشف محسن جابر عن حقيقة قيام عمرو دياب بالجلوس على الأرض لسماع لحن أغنية خليك فاكرني، قائلًا: القصة الحقيقة أن كنت في شركة الفن في وسط البلد والسكرتيرة قالت في واحد بيعيط ومنهار وعايز يقابلك وقولتها خليه يدخل.
وأضاف: كان بيتكلم وبيعيط وقولته أطلع اغسل وشك وارتاح وأنا خارج ماشي قالي أنه عرف أن عمرو دياب بيسجل في ستديو النهار وراح يسمع عمرو أغنية ودخل لعمرو وكان فرحان أنه داخل ومفيش حد وقفه ودخل على عمرو فاجأة وزعقله وقال مين ده طلعوه بره لأن عمرو كان بيسجل وقتها ومركز وهو قطع عليه.
وتابع: وقالي أن والبودي جارد خدوه طلعوه بره وهو جاي بيعيط وقال رموني بره وبالصدفة قولتله أنا رايح الاستديو تعال معايا وقعدته وقولت لعمرو دياب تعال اسمعك اللحن ده وسمعه من عمرو مصطفى أغنية خليك فاكرني وعمرو قال اغنية حلوة فسالته انت عملت في امبارح ليه ولما حكيتله قالي يا محسن ده فتح عليا باب الكنترول ولولا اني خته مكنش هو اشتغل مع عمرو دياب.
واستكمل محسن جابر: بصماتي مع عمرو دياب كبيرة زي نور العين وتملي معاك وكانوا مش من ألحان عمرو مصطفى.