علق الإعلامي عمرو أديب على أزمة حلا شيحة وتامر حسني التي شغلت السوشيال ميديا خلال الأيام الماضية، وذلك بسبب فيلم “مش أنا”.
وقال خلال برنامج الحكاية الذي يعرض عبر قناة “ام بي سي مصر” الفضائية: “الوضع اللي عملته حلا وفجأة قررت انها تصف الوسط الفني بالحرمنية، وان اللي بيحصل ده حرام، وحلا عندها مواقف ساعات تتحجب وساعات تقلع الحجاب وساعات تحب وساعات تكره وهي حرة في قررتها ، ولكن لا يجب انها تقرر للناس يعملوا ايه وميعملوش ايه وده الكلام اللي ناس كلها بتقولوا”.
رأي الإعلامي عمرو أديب في أزمة حلا شيحة وتامر حسني
وعبر عن رأيه الشخصي حول هذة الأزمة قائلاً: “بس انا ليا رأي حاسس ان اللي بيحصل ده مش صدفة يعني حطوا الحاجات مع بعض كده موضوع حلا، والموضوع اللي حصل على حوار البوركيني، والبيكيني، وشوية جدل عن الحجاب واللي بيحصل حسسني اننا رجعنا لايام زمان”.
وأضاف قائلاً: “الحوارات ديه كلها شوفناها قبل كده، هل دي كلها صدف واللي بيحصل ده كله مش عادي، وهي موجة طالعة كده، ومن رايي اللي عايز يلبس يلبس واللي يتحجب يتحجب واللي عايز يلبس مايو يلبس ومحدش يحاسب حد ربنا هو اللي بيحاسب”.
عمرو أديب يوجه رسالة لـ معز مسعود
وعن رأيه في فيلم “مش أنا” قال : “انا شوفت الفيلم مشوفتش في حاجة خارجة خالص، وكل أفلام تامر كدة مفهاش حاجة خارجة نهائي”.
ووجه رسالة لـ معز مسعود قائلاً: “ومعز مسعود دخل في الموضوع، وليه يرد على حلا على الانستجرام، مايرد عليها في البيت، وهي موجة كده بتحصل كل فترة، واحنا متعودين”.