تحدثت الفنانة علا غانم عن حقيقة خلافات نجمات فيلم أولاد حريم كريم، مشيرة إلى أن الكواليس كانت هادئة جدًا، بالإضافة إلى موقفها من تجسيد دور أم في أعمالها.
وقالت علا غانم، وذلك خلال لقائها ببرنامج الراديو بيضحك مع الإعلامية فاطمة مصطفى عبر محطة راديو 9090: الدنيا كانت هادية جدًا وخصوصا أننا لما نعرف بعض بقالنا سنوات الموضوع بيبقى شوية مختلف، فيه كيميا بيننا، وبنسترجع ذكريات 18 سنة، وبنشوف اد ايه كان فيه فرق في تفكرينا، وبردو كبرنا ودا مخلينا نتخطى حاجات صغيرة ممكن توقفنا.
وأضافت: وبقى عندنا استيعاب أكبر بكتير، وفي التصوير بنسى أن بشرى منتجة، وساعات كنا بنختلف في الآراء على الواتساب بعد ما العمل خلص، وبسمة دايما اللي بتهدي الجو، وبالنسبة لي الجزء التاني من فيلم أولاد حريم كريم أحلى من الأول، لأن عندنا مواضيع أشمل وأقوى.
كما تحدثت علا غانم عن موقفها من تجسيد دور أم في أعمالها الفنية، وقالت: بيفرق معايا اعمل دور أم لأولاد كبار، وزمان جدا جالي مسلسل كان المفروض أكون فيه أم لبنت، وللأسف ملعبتش الدور لأنها كانت كبيرة أوي، أنا معنديش تحفظات أني أعمل أم لكن عايزة اعمل أم اد بناتي.