كشفت الفنانة سينتيا خليفة عن مغامراتها وتجاربها الغريبة، وحكت تفاصيل تجربة لها في الغابة.
سينتيا خليفة تكشف عن مغامراتها مع صاحبة السعادة
وصرحت خلال لقائها مع الإعلامية إسعاد يونس، ببرنامج “صاحبة السعادة” الذي يعرض عبر قناة dmc الفضائية في تمام الساعة 11، يومي الاثنين والثلاثاء قائلة: “قعدت 11 يوم في الغابة ومكنتش باكل خالص وكلت عنكبوت واحدة واحدة كده ومتسألنيش ازاي وكانت تجربة سيئة جدا جدا”.
سينتيا خليفة تروي اصعب مشاهدين في حرب أهلية وضد الكسر
روت سينتيا خليفة قائلة: “دورين كان تحت الادوار الشريرة عشان مايا كانت بتخرج مع واحد متجوز، مايا كانت ضحية فراج وضحية هذا الحرب انما في حرب اهلية نادين كانت شريرة وكان في ضحاية تحتها”.
وأضافت تفاصيل مشهدها في ضد الكسر قائلة: “مشهد ضد الكسر لما كانت بتقول لفراج انها مش قادرة تساعده خالص قدام الشرطة وهي كانت بتحبه وفي نفس الوقت رفضلتله طلب هي لو منفذتهوش فراج هيدخل السجن”.
وعلقت على الشخصيتين التي قدمتهم قائلة: “الشخصيتين كان فيهم خيانة الشخصتين كانوا مختلفين عن بعض تماما اه الهدف واحد بس مختلفيين”.
وأشارت الفنانة الشابة لـ أصعب مشهد أثر فيها في مسلسل حرب أهلية قائلة: “اصعب مشهد فضل معايا لما نادين راحت تنزل الولد من “يوسف” باسل الخياط واحساس كان بشع جدا ان ست رايحة تنزل طفل مش من جوزها ويجيلها خبر ان جوزها توفى واللي هو عايزة تمشي بسرعة عشان تشوف جوزها ومنزلتش الطفل وكل الاحاسيس ديه ملغبطة وبشعة”.