كانت الفنانة سماح أنور ضيفة برنامج “أسرار النجوم” الذي تقدمة الإعلامية إنجي علي عبر إذاعة “نجوم FM”، وتحدثت خلال لقائها عن علاقتها بالراحلين الكبار سمير غانم وسمير صبري .
وتحدثت سماح أنور عن العملية الجراحية التي اجرتها بعد تعرضها لحادث سير، قائلة: “لولا سمير غانم بعد ربنا أنا مكنتش همشي على رجلي”.
وتابعت: “سمير غانم كان بيرشحني للأعمال، وكان دايمًا عاوزني أتواجد واشتغل، أفضاله عليّ من وأنا عندي 16 و17 سنة، هو أهم حاجة في حياتي، اللي خلاني أمشي على رجلي، مكنتش عارفة هعمل إيه ولا هتعالج إزاي، وهو اتصرف وكلم الديوان الملكي السعودي وشالوا علاجي 10 سنين”.
وتحدثت سماح أنور عن علاقتها بالفنان سمير صبري، معلقة: “وجعني أن الناس تتكلم عنه وحش، وكل الكلام تأليف، واللي بيتكلم عن حد ساب الدنيا بشكل شخصي ده بياكل لحم الناس ميتة، حد بيتاجر وعاوز الناس تسمع عنه وياخذ 3 دولار من السوشيال ميديا، أنا مش هرد على اللي اتقال لكن اتقهرت”.
وتابعت سماح: “سمير صبري كان رجل وفي، عمره ما غلط في حد، الناس توحشت ومبقاش في حرمة للميت، إحنا واقفين في الطابور ومحدش عارف الدقيقة الجاية مين هيكون الخبر اللي جاي”.