تحدثت الفنانة سماح أنور خلال لقائها مع الإعلامية ياسمين عز في برنامجها كلام الناس ،الذي يتم عرضه على شاشة قناة mbc مصر ،عن أسرار عن حياتها الشخصية وحياتها العاطفية.
قالت سماح أنور: “أنا مستمتعة لوحدي وأنا في سن مش بتاع حب، وبعدين لسه هقوم أحط ميكب وألبس وأنزل ونسهر ونرجع طب وشغلي وبكون عايزة أنام؟ وأنا من الناس الكسولة واتعودت على البيت ومش بحب أخرج إلا إذا كان عندي شغل”.
وتابعت: “اتعودت أبقى لوحدي وبقى دا نظام حياتي ودي جنتي والحياة المثالية ليا، ومفيش راجل فيها ومش بدور على الحب؛ لأنه عايز تفكير ولو حبيت هفكر هل بعد مرور 5 سنين هندم؟ هل هكون مبسوطة على المدى البعيد؟ والحياة العاطفية مش أولولية طول عمري لأني بقع في الحب وبتكون زي الحادثة”.
وأستكملت سماح أنور: “عمري ما قولت عايزة أتجوز وبدور على حد، وممكن تحصل بدون ترتيب، وحبيت مرة واحدة في حياتي ومكنتش لطيفة والست لما بتحب بتقع على وشها ودا بيطفش الرجالة، وأنا مش بعرف أتقل وأتحكم وبقعد باصه للتليفون مستنياه يتصل بيا.. وبالتالي اقتنعت إني لا أصلح للعلاقات العاطفية”.
مسلسل الليلة واللي فيها
وفي سياق آخر ،تشارك سماح أنور في مسلسل “الليلة واللي فيها” ، الذي يتم عرضه حاليا على منصة شاهد، ويشاركها بطولة المسلسل زينة، ومطرب الراب أبيوسف، وغيرهم من النجوم.