حلت الفنانة سماح أنور ضيفة في برنامج “كلام الناس”، الذي تقدمه الإعلامية ياسمين عز ويتم عرضه على شاشة قناة mbc مصر، وتحدثت خلال الحلقة عن تفاصيل مسيرتها الفنية، واسرار عن حياتها الشخصية.
وأكدت سماح أنور على عدم حبها لشرب المياه، قائلة: “بقالي 17 سنة مشربتش مايه، لازم المايه ميبقلهاش طعم ولا ريحة، دي مواصفاتها، المايه كلها ليها طعم وليها ريحة دي مبشربهاش، لما باخد منها جسمي بيضايق وبطني بتوجعني”.
وتابعت: “مش لازم بس نشرب المايه، أحنا بناكل فاكهة وبناخد منها المايه ودي السكريات اللي بيحتاجها الجسم طول الوقت، ولو وقفت في الهواء الجلد بيشرب الرطوبة اللي في الهواء”.
وأضافت: “البيزنس الأمريكاني بيقول أشرب مايه طول الوقت، وكل اللي شرب تعب، دا مش طبيعي، الطبيعي أن الجسم عاوز حاجة أديهاله”.
وأختتمت سماح أنور حديثها عن المياه موضحة: “المايه المعدنية ليها طعم وفيها شوائب، وكل ما أشرب مايه أتعب لكن لو شربتها مع عصير بيبقى عادي، وفي دكاترة هتختلف معايا وأنا مواقفة لأن أنا مش متخصصة أنا بتكلم عن نفسي ومش باقول للناس محدش يشرب”.