تحدثت الفنانة سلوى خطاب عن المعاناة التي عانتها المرأة المصرية، مشيرة أنها تتحمل فوق طاقتها، وذلك من خلال لقائها مع الإعلامية ياسمين عز في برنامجها كلام الناس، الذي يتم عرضه على شاشة قناة mbc مصر.
قالت سلوى خطاب: “أنا دفعت ثمن جوازي وكنت حريصة أبقى زوجة كويسة بغض النظر عن تعبي في مهنتي، وكنت بحضر الأكل لـ جوزي وهو كان يستاهل الاهتمام دا، بس أنا مقتنعة أن مينفعش ندلع الراجل زيادة عن اللزوم ومفيش حاجة اسمها الراجل لازم يوري مراته العين الحمرا لأننا بني آدمين”.
وتابعت: “أنا مش بكره الرجالة ويمكن الستات طلعوا عليا كدا عشان يوقفوا سوقي ولا يمكن يكون فيه عداء بيني وبين الراجل لأن الراجل بالنسبة لي زي الست وبعامل بني آدمين في النهاية ومينفعش حد يعادي حد بس الست المصرية أكتر ست على مستوى الوطن العربي شايلة مهام كتير فوق طاقتها”.
وكانت قد كشفت سلوى خطاب عن سبب عدم إنجابها، معلقة: “المجتمع ده لو خلفت فيه هتعب، أنا مش فاهمة يعني إيه تربية حديثة وعيال يقرفوني وساعتها هقول له لأ شنطة هدومك يا حبيبي وروح المكان اللي انت عايزه وأخلص، أنا أجيب ناس تتعبني ليه؟ يعني هربيهم كويس وفي الآخر يسمعوا أنتش واجري؟”.