حلت الفنانة سلوى خطاب ضيفة الإعلامية ياسمين عز في برنامجها كلام الناس الذي يتم عرضه على شاشة قناة mbc مصر، وتحدثت خلال الحلقة عن بداية دخولها مجال الفن والتماثيل وأسرار عن حياتها الشخصية.
قالت سلوى خطاب: “جدتي طلبت مني إني أدخل كلية التجارة، وأنا مكنتش عايزة أدخلها خاصة إني كنت أدبي في ثانوي، وهي كانت عايزاني أبقى مديرة في بنك، ودخلت كلية التجارة ونجحت”.
وأضافت : “وأنا قاعدة بقرأ في الجرنال لقيت إعلان طالبين دفعة لـ معهد الفنون المسرحية، قُلت طب ما أنا أروح أقدم أنا بحب الفن، وروحت وطلبوا مني أعمل مشاهد وعملتها ونجحت وكل ده من ورا عيلتي”.
وتابعت سلوى: “سحبت ورقي من كلية التجارة وقدمتها في معهد الفنون المسرحية، وبعدين في يوم كتبوا عني في الصحافة إني في أول طريق النجاح وأهلي شافوا الحاجات دي وجالهم حالة ذهول وقالوا إزاي عملتي كده؟ قُلت لهم بحب الفن، وكانت أول مرة أتضرب في حياتي من أعمامي”.
واختتمت سلوى الخطاب حديثها: “جدتي كانت منهارة وقالتلي كده تكسفيني؟ حد يسيب كلية التجارة ويروح معهد الرقاصين؟ هي بالنسبة لها مش فاهمة إن فيه معهد فني، قُلت لها مش إنتي بتحبي أمينة رزق؟ أنا هبقى زيها هي دارسة مسرح، وكانوا حاطين ليا شروط زي أن مفيش مشاهد خارجة، وممنوع التأخير”.