تحدث طليق ريم طارق، عما يخص قايمة الزواج الخاصة بطليقته ريم طارق الزوجة الحالية لمغني المهرجانات حسن شاكوش التي ظلت زوجته لمدة عام، وانفصل عنها.
وقال طليق ريم طارق، ببرنامج تفاصيل تقديم الإعلامية نهال طايل: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها.
وتابع طليق زوجة شاكوش: لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.
أول ظهور لطليق زوجة حسن شاكوش
واستكمل: أنا كنت ساكن في فيصل وهي كانت من سكان فيصل جنبي وكنت أعرفها من قبل أهلها ما يعرفوني، ودخلت البيت من بابه ووافقوا، وأثناء مرحلة الجواز مشيوا من فيصل وسكنوا في الشيخ زايد.
وتابع طليق ريم طارق: أنا مكنتش بضربها ومضربتهاش علقة موت، وعمري ما ممديت ايدي عليها، وكل مشكلة كنت بشتكي لوالدها.
أزمة حسن شاكوش وزوجته
وأوضح طليق ريم طارق: كان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير اني عايز اعيش في استقرار.
وأضاف طليق ريم طارق: مرفوع عليا قضايا منقولات وايصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها.
وأوضح: اتفرض عليا الطلاق ومكنتش عايز أطلقها، وطلقتها وخدت حقوقها الكاملة، وأنا مرفوع عليا قضايا في المحاكم وخدت كل حقوقها أخدتها.