أنهار الفنان سعد الصغير، من البكاء خلال لقاء له ببرنامج السيرة، أعاد نشره اليوم عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”، وذلك تزامنًا مع عيد الأم.
وقال سعد الصغير خلال الفيديو ردًا على سؤال وفاء الكيلاني لو حد نفسك تشوفه، ليرد الصغير: نفسي أشوف أمي حتى لو في المنام.
وعلق سعد الصغير على الفيديو قائلًا: يارب من كان له، أم متوفيه فارحمها ومن كان له أم مريضه فاشفيها ومن كان له أم بعافيتها فحافظ عليها، كل عيد وكل أم طيبة.
View this post on Instagram
سعد الصغير يروي لـ«أوان مصر» تفاصيل جبره لـ خاطر عامل نظافه ورقصه معه
من جانبه كان قد انتشر عبر مواقع التواصل الاجتماعي خلال الساعات الأخيرة، مقطع فيديو للمطرب الشعبي سعد الصغير، وهو يرقص مع عامل نظافة في فرح شعبي.
وتواصل موقع “أوان مصر” مع سعد الصغير ليروي تفاصيل رقصه مع عامل النظافة، وقال سعد الصغير: الموضوع كله أن أنا كنت في فرح، والراجل الطيب دا كان واقف في اخر القاعة، وعمال كل شويه يقرب يقرب، ونفسه يرقص، فأنا قومت رايح شده، وخليته يرقص.
وتابع: بقول من خلال موقع اوان مصر أن لو كان أخويا أو أبويا هتباهى بيه قدام العالم كله، وتحية للشعب السوداني، والدليل مش أنا اللي كنت بصور، لأن الواحد بيعمل الحاجات دي من جواه، والحاجه دي لو مش كويسه مكنش حد كلمني.
وأردف: ربنا أعلم اذا كنت بمثل ولا لا، زي الطفلين اللي أنا قبلتهم في اسكندرية كان بردوا أنا نازل بالصدفه ولقيتهم، أنا عايز أقول إن أنا عانيت زي الناس دي.
وأختتم سعد الصغير قائلًا: أنا هحاول بقدر الإمكان أروح لنادي الشرطة، وهكرم الراجل دا، وهقوله أن شغلتك دي كويسه، واللي يكلمك وحش اعرف أنه مش متربي ومش ابن أصول.