أكدت شقيقة الفنانة الراحلة سعاد حسني حقيقة زواجها من العندليب الفنان عبدالحليم حافظ.
وكشفت جيهان عبدالمنعم شقيقة السندريلا خلال لقائها مع الإعلامي عمرو عبدالحميد في برنامج “رأي عام”، الذي يعرض عبر قناة “ten” الفضائية قائلة: “جوازها من عبدالحليم كان حقيقي، مش عارفة ليه الناس الموضوع ده شاغلهم بالشكل الرهيب ده يعني اي اتنين في الدنيا حبوا بعض واتجوزوا فيها ايه”.
حقيقة زواج سعاد حسني من العندليب وتفاصيل حياتهما
وأوضحت تفاصيل عن حياة السندريلا والعندليب قائلة: “وهي في اخر وقت من حياتها قالت اتجوزت انا وعبدالحليم 6 سنين عرفي وكان اول واحد يدخل حياتها ووقف معاها كتير واتجوزوا في السر عشان معجباته عشان هو كان اشهر منها في الوقت ده”.
سبب إنفصال سعاد حسني وعبدالحليم حافظ
وأضافت قائلة: “ولما كانت عايزة تعلن زواجهما هو رفض عشان معجباته ومحبي بس بعد كده هي حست بإهانة وهو بقى يغير عليها جامد واتفضلوا بس الغير مش سبب الانفصال كان في مشاكل تانية”
طقوس عائلتها في ذكرى ميلادها
صرحت جيهان عيدالمنعم وهي شقيقة سندريلا الشاشة العربية عن الطقوس التي تفعلها هي وعائلتها في ذكرى وفاتها.
وكشفت خلال لقائها مع الإعلامية بسمة وهبة ببرنامج “90 دقيقة” المذاع عبر قناة المحور قائلة: “احب اشكرك انكوا افتكرتوها بعد 20 سنة من وفاتها ،إحنا متعودين كل سنة نروح المقابر الصبح في الذكرى السنوية بتاعتها، ونقرأ الفاتحة وقرآن ونقعد شوية”.
واردفت قائلة: “ولوالدتي وإخواتي في نفس القبر، وبنزرهم كلهم ونفضل قاعدين معاهم شوية، وفي كل ذكرى لكل حد فيهم بنروح، وساعات بنروح عشان في ناس بتحب تزور قبرها”.
واستكملت قائلة: “من كل الدول العربية الكويت والعراق واليمن بيزوروا القبر حتى وهو مش مفتوح، وبيبقى محدش فينا موجود لما بروح بلاقي رود وبراويز ليها والحاجات اللي هي رخام مكتوب عليها اسمها وأشعار وكلمات حب”.
اقرأ أيضاً..
في ذكرى وفاة سعاد حسني.. تعرف على أسباب إصابتها بـ الاكتئاب 15 عاماً