أعربت المؤلفة سعاد القاضي، عن حزنها الشديد، بسبب تلاعب المخرج محمود كامل مخرج مسلسل “شقة 6“، بالسناريو والمحتوى الدرامي للعمل، دون الرجوع إلى المؤلفين.
وذكرت المؤلفة سعاد القاضي في تصريح خاص قائلة:” أول ما ماضينا التنازل في الشركة عند صادق الصباح، مع العلم إن الموظف بتاع الرقابة جه الشركة، واحنا مروحناش ودي حاجه أنا كنت مستغربة ليها، وبعد ما خلصنا قالنا خلاص بقا انتوا كدا شكرًا، وأنا كنت فاكراه بيهزر”.
وواصلت:” كانوا عايزين يلموا المسلسل كله في أربع أيام قبل احنا ما ناخد خبر، ولما جيت أروح الرقابة عشان أخد صورة من التنازل الموظف اللي كان موجود في الشركة هو اللي كان هناك، وعمل معايا مشكلة، وبعدها كلمة رئيس الرقابة كلمني بطريقة غلط بردوا، وقفل في وشي”.
وأستكملت:” اشتكيت لدكتور أشرف زكي، وقالي مليش علاقة بالتأليف وروحي لمسعد فودة، ولما روحنا قالولنا النقيب مشي، فنزلنا أنا ووحيد، وبعدين رجعت تاني طلعلي حد غير اللي كان موجود وقالي مشي، ومعرفتش أوصل للنقيب”.
وأردفت القاضي:” ولما لقاني الموظف عامله دوشه، قالي تعالي وقعدنا وفتحنا الملفات، ولكن ملقاش اي تصريح طالع باسم مسلسل شقة 6، وبعدين كل اللي كان موجود عاملونا بشكل مش كويس، واحنا مكنش معانا اي مقدرة مادية عشان نجري وراه في المحاكم”.
جديرًا بالذكر أن مسلسل “شقة 6” بطولة روبي، أحمد حاتم، هاني عادل، صلاح عبد الله، محمود البزاوي، الفنانة السعودية هيا فياض، حمزة العيلي وملك قورة، السيناريو والحوار رفيق القاضي، سعاد القاضي، محمود وحيد، نبيل شعيب، إخراج محمود كامل.