حلت الفنانة زينة ضيفة ببرنامج «الحكاية»، الذي يقدمه الإعلامي عمرو أديب، المذاع عبر قناة MBC مصر، ورفضت فكرة أن الست لا تقدر أن تتعايش بدون رجل.
وقالت زينة: «أنا بكره الكلمة دي وبعدت عن واحدة صحبتي علشان الكلمة دي، لقيتها بعد طلاقها جاية تقولي أنا هتجوز، قولتلها ليه قالتلي أصلي ما أقدرش أعيش من غير راجل».
وأضافت: «أنا بحتقر كل الليبيقول الكلمة دي لا الست بتعرف تخدم نفسها كويس، واحنا كـ بني آدمين نقدر نشتغل وننتج، ومحدش يتحكم فينا وتقدري تفكري إنتي عايز إيه».
وردا على سؤال أليس من الأفضل وجود زوج يصرف عليك؟ قالت: «الحمد لله الواحد بصحته، ويقدر يخدم نفسه ويساعد ولاده».
وتابعت: «ممكن الزوج يطلع بخيل أو كسلان، ونبقى بنخدمه هو والعيال، إحنا مش ناقصين».
إصابة والدة زينة بفيروس كورونا
من جهة أخرى، كشفت زينة معاناتها ومدى خوفها من كورونا، قائلة: “مرض وحش اوي، انت طول الوقت قلقان، بس اكيد مش هتقلق من امك، اكيد هتكسر الخوف ده، وهو على حسب خوفك اكتر ولا حبك لمامتك اكتر، اكيد حب الام اكبر من اي حاجة في الدنيا”.
وتطرقت إلى الإجراءات التي اتبعتها للإطمئنان على صحة والدتها: “اخدتها وروحنا المستشفى وعملنا التحاليل ومبقتش خايفة خالص، وهي الحمد لله احسن دلوقتي”.
وطلبت من الجمهور أن يدعو لها بالشفاء العاجل: “ادعولها، بس هي عشان عندها قلب وسكر وضغط، والحاجات الجميلة بتاعة الامهات، فتعبانة شوية، ربنا يشفيها يارب، ويشفي كل مريض”.
وأكدت على أنها بخير، مشيرة إلى أنها بدأت تصوير عمل فني جديد: “وانا كمان بدأت انزل اصور، وان شاء الله العمل ده يعجبكو اوي”.
وعبرت عن شوقها الشديد للجمهور، قائلة: “طبعًا انا مفتقداكم جدًا ومفتقدة الصور والفيديوهات اللي بنزلهالكم، يعني تفاهة شوية”.