أعلنت كارولينا قنديل، الزوجة السابقة لـ مؤدي المهرجانات أورتيجا، طلاقهما الذي تم للمرة الثالثة متمنية له التوفيق في حياته.
ونشرت كارولينا قنديل عبر خاصية «ستوري» في حسابها الخاص بموقع التواصل الاجتماعي لتبادل الصور والفيديوهات «انستجرام» رسالة قالت فيها: «أنا اطلقت يا جماعة، ومعلش عارفة إني زهقتكو معايا بس خلاص مفيش زهق دي آخر طلقة، وبتمنى التوفيق لأورتيجا في حياته، وإحنا هنفضل أصدقاء العمر كله، وهيفضل أبو أولادي المحترم وأحسن أب في الدنيا».
أورتيجا: بتحارب في أكل عيشي عشان مشتغلش وأنا دايمًا في حالي
وعلى جانب آخر قد أعرب مطرب المهرجانات أورتيجا عن استيائه الشديد، وذلك لتعرض حسابه للسرقة، مشيرًا إلى إلى أنه لا يتدخل في أمور الاخرين.
وكتب أورتيجا عبر حسابه الشخصي بموقع التواصل الاجتماعي فيسبوك: يا جدعان هو اللي بيأذي حد في أكل عيشه، وبيحارب علشان يخليني مشتغلش، وأكونتات بتتسرق مني وناس قاعده 24 ساعة بتشتم عمال على بطال، نحب نقولو إيه للناس دي.. وأنا عرفت كل حاجه علشان ربنا كبير أوي وكل حاجه بتبان.
وأضاف: حتى ولو بالصدفة افرحلك يومين علشان مش بتدوم.. واللي جاي والله صدقني بيجيب جلطة، أنا دايمًا في حالي، ومحدش بيسمع عني حاجة ولا ليا في النوش، بس تقريبًا هتصحو الشخص التاني اللي جوايا اللي بيحب النوش، علشان الطيبة في الزمن ده مش بتنفع، ده اللي اكتشفته، أورتيجا الطيب بح.
وفاة والدة أورتيجا
من جانبه كان قد أعلن مطرب المهرجانات أورتيجا عن وفاة والدته، عبر حسابه الرسمي بموقع التواصل الاجتماعي “فيسبوك”.
وكتب: “البقاء لله.. أمي في ذمة الله”، دون أن يكشف عن سبب الوفاة، أو موعد ومكان العزاء.