حالة من الجدل أثارها الفنان محمد هنيدي بعد حديثه عن الزعيم عادل إمام، ورفضه المشاركة في أحد أفلامه.
وقال محمد هنيدي خلال حواره مع الإعلامية أسما إبراهيم في برنامج “حبر سري”، الذي يتم عرشه عبر شاشة قناة القاهرة والناس: “حصل فعلا إن بعد مشاركتي في فيلم بخيت وعديلة كان في دور، لكن كان مش عاجبني ومحستش إني ممكن أعمل فيه حاجة”.
وتابع: “الناس كلها استغربت وسألتني هتعمل إيه مع أستاذ عادل، وروحت قلت له لو في دور حضرتك مش حابه تعمله، قال لأ، قلت له أنا مش حابب الدور وانتهى الموضوع”.
ورد على سؤال طبيعة علاقته بـ عادل إمام بعد ذلك الموقف، قال هنيدي: زي الفل، وكنت عايز أروح له في عيد ميلاده وما زلت.
وأضاف: عم عادل أستاذنا وكلنا خرجنا من أفلامه، والدور في بخيت وعديلة كان صغير لكن فيه شقاوة وممكن أعمل فيه حاجة.