بعد تأجيل محكمة القضاء الإداري حجز دعوى إلغاء قرار منع ظهورها في الوسائل الإعلامية لمدة عام، للحكم بجلسة 22 مارس المقبل، نشرت الإعلامية ريهام سعيد، من خلال حسابها الشخصى بموقع الواصل الاجتماعى “إنستجرام”، فيديو جديدا أثارت به الجدل.
وقالت سعيد خلال الفيديو: “دايما حتى فى عز المصيبة وانتوا عارفين أنا مصيبتى أد إيه ببقى متأكدة إنه خير، ومش هتصدقونى والله بزعل وبعيط وبحزن بس عمرى ما جالى الإحساس إن دى النهاية”.
وأضافت ريهام سعيد: “دايما بعدها بيبقى فى بداية وبداية أحسن من البداية.. لأن عندى قناعة شخصية إن ربنا كبير وإن ربنا مبيعملش غير الأحسن لأن ربنا عظيم وكريم”، متابعة: “كل ما ات هتبقى كويس وكل ما انت هتبقى خير ونيتك كويسة للى حواليك أيا كان بقى يقولوا عليك بتمثل اوفر بتتمنظر مش مهم انت حقيقى إيه ربنا هيعملك كل حاجة حلوة”.
وتابعت: “لأن ربنا ليه هيعملك حاجة وحشة وانت حد كويس وحتىفى ناس والله مش كويسين كتير وربنا مديهم كتير اوى لا ربنا كريم جدا جدا ولطيف بعباده جدا “.
وكان المجلس الأعلى لتنظيم الإعلام، أصدر قرارا في أغسطس الماضي، بمنع ظهور الإعلامية ريهام سعيد لمدة عام، وذلك على جميع وسائل الإعلام المرئية والمسموعة والمقروءة والإلكترونية، وذلك بناءً على توصية لجنة الشكاوى بالمجلس، والتى تولت التحقيق مع ريهام سعيد، بعد شكوى تقدم بها المجلس القومى للمرأة ضدها.