تحدثت الفنانة لبلبة، عن سر جمالها ورشاقتها، مشيرة إلى أن الحفاظ على رشاقتها وجمالها يرتبط بكونها نباتية لمدة تصل إلى 23 عامًا، موضحة إلى أنها عايشة على تناول الأجبان والخضراوات، وذلك خلال لقائها مع الإعلامية لميس الحديدي في برنامجها «كلمة أخيرة».
وقالت لبلبة: «بحرم نفسي من حاجات كتير عشان أكون جاهزة علشان ألعب أي دور».
وتابعت مازحة: «في حاجة مهمة أوي إن وشي متغيرش كتير، لو غسلت وشي وشلت الرموش والهيصة دي كلها، هتحسوا إني أنا لبلبة بتاعة 4 بنات وضابط».
واوضحت أنها من حين لآخر تحقن وجهها بالبوتوكس، معقبة أنها تستخدم البوتوكس حسب طبيعة الدور الذي تجسده.
وأضافت: «بعمل بوتوكس على حسب الدور، لو الدور ست أرستقراطية وشايفة نفسها، أروح ضاربة 2 بوتوكس يرفعوا الحواجب لفوق، لو طالعة غلبانة وست شقيانة كله يفضل زي ما هو.. ربنا يخلي لنا البوتوكس مش بطال، البنات اللي عندهم 25 سنة بيعملوه».