بدأ الفنان رامز جلال كلامه عن الفنان مصطفى كامل بالسخرية قائلاً: صاحب بالين كداب وصاحب 3 منافق والنهاردة جايبين بتاع كله، مصطفى كامل اللي بدأ شاعر على قده وكله بيستقل بيه وزهقوا منه وقالوا واد زنان، وأكيد هيقول أي بتنجان ولما سمعوه جالهم هبل وجنان وكتب أغاني عملت قلبان، وقال هيغني ويعمل ألحان وأتجنن وقال همثل كمان وأشطا يابا جابلنا حالة غثيان ورجعلنا بخبر انفجر زي البركان، واترشح لمنصب نقيب الموسيقيين ونجح وأدى لـ هاني شاكر كتف ونطره من المكان.
وواصل رامز جلال: مطرب الدموع والآهات مصطفى كامل، وقائد الأغنية الشعبية وعامل زي سواق الميكروباص، واللي يعرفوه بس حلمي عبد الباقي وأمين الصندوق.
كما تحدث مصطفى كامل عن أعماله الفنية، قائلا: أنا نزلت أغنية جديدة اسمها زرعة خايبة، ليرد رامز جلال، ساخرًا: غنيتها في إني غيط دي؟